Ici le ms. porte en marge : Mort Bourgogne

1420] Chronique de Jean Raoulet. 167

Et s'fforça moult icelui Philippe ', duc de Bourgogne, de mectre es mains des Anglois, anciens ennemis de France , les villes et pais du roy ;mais Soyssons, Meaulx, Melun, Sens, Monstereau, et autres forteresses en ce pais, où il avoit gens d'armes pour le Daulphin, ne obéirent pas auxdits Anglois et Bourguignons, mais leur résistèrent fort. Adonc ala le roy d'Angleterre le plus ponpeusement qu'il peut à Troyes en Champagne, là où estoient le roj, la ro3me et Madame Katherine, qui estoit es mains des Bourguignons. Ledit duc de Bourgogne avoit assiégé à Crespy La Hire, Poton(?) et prins ; puis vint à Troyes. Et là le duc de Bourgogne, qui tout faisoit faire, livra et bailla dame Katherine, fille du roy, audit roy d'Angleterre pour espouser, ainsi que par devant ils avoient appointié. Lequel là mesme l'espousa». Moult extrême Anglois fut icelui Philippe, duc de Bourgogne, et encores plus que son père n'avoit esté ; car par sa faveur la plus partie du pais de France, Normandie, Brie, Champagne et les environs furent par eulx despeuplés, églises brûlées et du tout destruites, innumérables hommes mors desconfès 5, femmes et filles violées, et gens inhumainement et cruellement tourmentés.

Et tantost après vindrent d'Escoce au sescour du Daulphin, estant environs les pais de Berry,