Garonne

145 3] Chronique de Charles VIL 13

du Maine, d'Estampes, de Nevers, de Castres et de Vendosme, et plusieurs autres grans seigneurs, barons, chevaliers et escuyers, avec nombre de gens de guerre. Il vint en la ville de Libourne, et puis son ost s'achemina devant Fronsac, que tenoient les Anglois. Lesquels se rendirent et s'en allèrent par composicion en Angleterre, chacun ung baston en leur poing. Puis passa sondit ost la rivière de Dordongne, pour conquester et remettre en l'obéissance du roy le pais d'entre deux mers.

Là ils gaignèrent et emportèrent plusieurs petites villes et chasteaulx dans le plat pais , que tenoient iceulx Anglois. Puis s'en vint le roy à Montferrant, et fist construire une bastille, pour contenir partie de son ost , devant la ville de Bourdeaulx, en ung lieu dit Lormont. Et l'autre partie de sondit ost mit le siège devant la ville et le chastel de Cadillac. De l'autre costé estoient Monseigneur le conte de Clermont , lors lieutenant général du roy en icelles parties et pais de Guyenne et de Bourdelois, comme dit est, et le conte de Foix, avec le sire d'Albret, le sire d'Orval, le seigneur de Xantrailles, le bailly de Lyon et plusieurs autres, jusques au nombre de mille lances. Les archiers estoient devant Bourdeaulx, du costé de devers les Lannes ', pour faire le dégast et la ruine du pais, et pour menger et consommer les vivres, sçavoir bleds, foings et autres provisions qui estoient sur le pays , afin que ceulx de Bourdeaulx ne s'en peussent ayder ny prévaloir.