Du 23 mars 1421 à mai

248 Abrégé François [142 i (oct. 6)-

gens de guerre , moult faisoient d'ennuy pour Monseigneur le Daulphin aux Angloiset Bourguignons sur les frontières de Brye et Champagne et des environs. Pourquoy le conte de Salebery, chevalier, lieutenant pour le roy d'Angleterre, les assiégea avec grosse puissance d'Anglois et Bourguignons : aux quels ils résistoient de grant et noble couraige ; mais tant furent ils batus et affligez , et si longuement les tindrent par faulte de vivres, qu'ils furent contraints eulx rendre prisonniers à la voulenté des adversaires, qui les misdrent tous à grosse rançon , et en firent pluseurs mourir les cruelles prisons qu'ils leurs tindrent.

Pendant ' que estoit ledit siège devant Montaguillon, le roy d'Angleterre assiégea la ville et cité de Meaulx , et la environna de gens et d'artillieries moult fort de chacun costé. Mais Guischart de Chyssey, vaillant escuier, avec pluseurs nobles et vaillans gens de guerre qui estoient dedens , firent pluseurs saillies et beaux faiz de guerre sur «ulx, et en tuèrent et navrèrent aux assaulx et escarmouches; non pas sans ce que les leurs ne fussent endomaigés, car les Anglois avoient très grande puyssance ; toutesfois en leur armée se mist la boce ^, dont pluseurs moururent sans cop frapper. Entr'eux 5 estoit Jehan Cournouailles 4, chevalier, conestable d'Angleterre ; fut navré bien asprement, et son fils, qui estoit homme d'armes