Chapitre

Comment les Chrestiens du pais de Hongrie et autres conquestèrent sur le Turc et Sarrasins huit vingts cités et villes , quatre cent chasteaulx et autres forteresses; et en ladite conqueste faisant, furent tués, de nombre fort, deux cent mille Turcs.

En ce mesme temps mille quatre cent cinquante six, firent les Hongrois ou pais de Hongrie un grand ravage et butin sur les ennemis de la foy de Jhésucrist; et par le conseil de frère Jean Capestram ', disciple jadiz de sainct Bernardin ^, et par le conseil d'un puissant , sage et grand chevalier, appelle Messire Guillaume le Blanc ?, ils furent mis hors et chassez de la cité de Belgrade ^, en laquelle il y avoit grand nombre de Turcs, lesquels furent tous tuez , jusques au nombre de quinze mille , et n'en eschappa homme que tout ne fust tué et mis à mort. Or vint le lendemain un grand nombre d'autres Turs , lesquels furent aussi vaillamment combatus par iceulx chrestiens; tellement