Guillaume Juvénal des Ursins

76 Jean Chartier. ['457

festoya moult grandement le jeusdi ' devant Noël en l'abbaye de Saint-Julien-de-Tours, là où estoient tous les seigneurs et princes estans en la court. Là ouïrent lesdits seigneurs très-grant habundance de viandes les plus précieuses et dillicieuses qui se peuyent trouver, comme faisans , perdrift , paons , oustardes , grues et eues sauvaiges , lièvres , connils sans nombre, cinquante chappons de haulte gresse. Du vin fut servy à l'équipolent. Entrautres y eut six vingts quartes d'ypocras, tant blanc que rouge, entremestz, morisques, mommeries et ung autre mistère d'enffans sauvaiges saillans d'une roche fort bien feinte et représentée ; chantres, trompettes et clairons, et plussieurs autres choses mélodieuses et joyeuses moult nobles ; tant que en somme le disgner cousta dixhuit cents escuz et en grans et riches dons. Et firent tousjours grande et bonne chière , espérant l'un desdits seigneurs de cette ambaxade fiancer après Noël , par procuracion dudit roy, icelle fille.

Mais pource qu'il est escript , souvent ce que l'homme propose, contraire Dieu en dispose. Car l'endemain de Noël vindrent au roy de France très piteuses nouvelles de la mort et trespas de très hault et très puissant prince le roy de Hongrie ^, parquoy lui et toute sa seigneurie fut fort troublée, et firent grant dueil.