Chapitre

La piteuse et doidloureuse mort da roy et son enterrement.

Le jour de la Magdeleine mil quatre cent soixante et ung trespassa le bon roj Charles Vile de ce nom, très victorieulx pnnce, en chasteau de Meun sur Yèvre , à qui Dieu face pardon et mercy à l'ame. Le mardi ensuivant ' fut fait son service en l'église Monseigneur Saint- Denis en France moult solempnellement, tout ainssi que on a acoustumé faire tous les ans pour le roy Louis le Gros, jadis roy de France.

En ceste mesme année, le jeudy trentiesme de juillet qui fut après ladite mort, environ une heure de nuict, fut veue au ciel escrit une très longue comète, qui jettoit en l'air une très grant clairtté et lueur, tellement qu'il sembloit que toute la ville de Paris fust en feu et flamme, dont Dieu la veuille garder!

Le merquedi cinquiesme jour d'aoust ensuivant, à dix heures de nuyt, fut apporté le corps dudit roy Charles à Paris, et laissé hors la ville en l'église Nostre-Dame des Champs, où il reposa jusques au lendemain, qu'il fut porté à l'église de Notre-Dame de Paris. Et y ot quatre seigneurs de la court de parlement qui tendent les quatre cornières du pouelle, vestuz en manteaulx d'escarlache, et plussieurs autres seigneurs de ladite court vestuz de vermeil tenans ledit pouelle.