Ministerium

a. Wailly ; il y étoit le 22.

y. Du 23 au 26. [

1429J Chronk^ue de Charles VII. 99

vins , où il séjourna deux ou trois jours. Et ce venu à la congnoessance du duc de Betheford , Angloiz , qui se disoit pour lors régent* du royaulme de France et se tenoit à Paris, lequel vint à grant puissance à Corbeil et Melun , disant qu'il se voulloit trouver aux champs et combatre icellui roy de France. Leauel roy, quant il sceult que ledit duc de Betheford, le voulloit combatre, se desloga de Provins et s'en vint logier aux champs avecques son ost, près d'un chasteau , près de La Motte , nommé Langis en Brye , et furent ordonnées les batailles dudit roy de France , et se tindrent aux champs presque tout ung jour, pour ce que continuellement venoient nouvelles que le duc de Betheford venoit pour combatre. Et touteffoiz il ne vint point et s'en retourna à Paris avec son ost, auquel on disoit qu'il y avoit bien de dix à douze mille combatens , et que ledit roy de France en povoit bien avoir autant ou plus.