Chapitre

Garnisons d' Angloiz mises ès places à eulx

obaissans.

En icellui an , en la fin du mois d'aoust , se desloga de Paris le duc de Betheford dessus

1. Voir ce nom dans la Biographie générale, publiée par MM. Didot.

nommé et son ost et tira vers Normendie , et départit sondit ost et l'envoya en plussieurs lieux, tant en pays de Normendie comme allieurs, pour garder les places dont il avoit le gouvernement et qui estoient en son obéissance. Et laissa à Paris Messire Loys de Luxembourg, évesque de Thérouenne , soy disant chancellier de France, ung chevallier angloiz nommé Messire Jehan Rachel, et ung autre chevallier de France nommé Messire Simon Morhier, qui lors estoit prévost de Paris. Et avoient en leur compaignie environ deux mille Angloiz pour la garde d'icelle ville de Paris, ainssi c'om disoit.