Chapitre
Comment la Pucelle donna ung assault devant Paris.
Et environ trois ou quatre jours après , le duc d'Alençon , le duc de Bourbon , le conte de Vendosme, le conte de Laval, le sire d'Albreth ,
108 Jean Chartier. [Août
Jehanne la Pucelle, les sires de Raiz et de Boussac , mareschaulx de France , et autres en leur compaignie , se vindrent logier comme en my voye de Saint-Denis et de Paris, en ung village sur le grant chemin, nommé La Chappelle Saint-Denis , et l'endemain commencèrent grandes escarmouches entre les Angloiz et les François et autres de Paris. Et premièrement au lieu dit le moullin à vent , et le lendemain vindrent les dessus nommez, ducz et autres seigneurs François, à grant compaignie, aux champs près de la porte Saint-Honnouré, sur une grant bute que on dit le marché aux pourceaulx , et firent assortir plussieurs canons et couleuvrines pour tirer dedens ladite ville de Paris. Et estoient les Angloiz tournoiant avecques leurs seigneurs entre lesquelz portoient une grant banière à une grand croix vermeille au longe de la muraille de Paris , par dedens ladite ville. Et de plaine arivée fut prins le boullevart d'icelle porte Saint-Honnouré d'assault 1 . Et estoit à celle prinse ung chevallier françois que on appelait le sire de Saint- Vallier, et ses gens, qui très-bien y firent leur devoir. Et cuidoient les François que les Angloiz et autres gens de Paris deussent saillir par la porte Saint-Denis ou quel-
au'autre pour férir sur eulx. Parquoy le duc 'Alençon, le duc de Bourbon, le seigneur de Montmorency et autres, avec grant puissance, se tenoient tousjours en la bataille desrière icelle grant bute. Et y fut fait chevallier le seigneur de Montmorency. Car plus près ne se povoient
i. Cette affaire eut lieu le 8 septembre 1429.
1429] pHRONIQUE DE CHARLES VII. 109
tenir, pour les canons et couleuvrines qui tiroient sans cesse. Et dist ladite Jehanne la Pucelle qu'elle voulloit assaillir ladite ville de Paris. Laquelle Jehanne n'estoit pas bien informée de la granteaue qui estoit ès fossés. Et néantmoins, vint à tout grant puissance de gens d'armes, entre lesquelz estoit le sire de Raiz , mareschal de France , et se dessendirent en l'arrière fossé, où elle se tint avecques ledit mareschal à grant compaignie de gens d'armes tout icellui jour, et y fut navrée icelle Jehanne d'un vireton parmy la jambe.
Néantmoins elle ne voulloit partir arrière dudit fossé , et faisoit ce qu'elle povoit faire de getter fagots et boys en l'aultre fossé pour cuider passer, laquelle chose et veue la grant eaue qui y estoit , n'estoit pas possible d'y entrer. Et depuis qu'il fut nuyt fut envoyé quérir par plussieurs foiz par lesditz duc d'Alençon et de Bourbon, maiz pour riens ne se voulloit partir ne retraire , tant qu'il fallut que le duc a'Alençon l'alast quérir et la ramena. Et se retrait toute la compaignie audit lieu de La Chappelle , où ilz avoient logié la nuyt devant. Et le landemain s'en retournèrent lesditz ducz d'Alençon et de Bourbon, ladite Jehanne la Pucelle et autres à Saint-Denis, où estoit ledit roy de France et son ost. Et là, devant les précieulx corps de Monseigneur Saint-Denis et ses compaignons , furent pendus et laissés les armeures d'icelle Pucelle, lesquelles elle offrit par grant dévotion.
no Jean Chartier. [Août-sept.
Réparation du chastel de Saint-Cilerin par les François.
En icelluy moys d'aoust, Tan aue dessus, furent prins les chasteau et ville ae Bonmoulin sur les Angloiz , par certains moyens, à l'entreprinse d'un nommé Ferrebourg ou Fourbourg, auquel le duc d'Alençon donna la cappitainene. Et fut emparé le chastel Saint-Célenn , près Alençon , par un escuier nommé Jehan Armenge, de la compaignie de Messire Ambrois sire de Loré , et ung autre gentihomme nommé Henry de Villeblanche. Et au tiers jour au'ils furent entrés en icelle place, les Angloiz delà garnison d'Alençon vindrent courir devant eulx avec canons et autres habillemens, et les assaillirent. Lesquelz François dessus nommez se deffendirent vaillanment, tant qu'ilz demourèrent maistres de ladite place , et lesdits Angloiz s'en retournèrent audit lieu d'Alençon.
