Chapitre

Comment Saint Pierre le Moustierfut pris d'assault.

Environ ce temps fut faicte par l'ordonnance — du roy de France une armée , en laquelle estoit Jehanne la Pucelle et plussieurs cappitaines et chiefs de guerre , et allèrent devant une ville nommée Saint Pierre le Moustier, laquelle ilz prindrent d'assault , et après vindrent sur la Charité-sur-Loire , de laquelle estoit caj>pitaine ung nommé Perrinet Grasset , et se mirent à siège devant icelle ville de la Charité , et y firent asseoir et assaulter aucunes bonbardes, canons et autres artilleries. Devant laquelle se tindrent par aucun temps, et en laffin se levèrent et s'en allèrent de devant icelle ville, et y perdirent , comme on disoit , la plus grant part de leur artillerie.