Dîner
2 . Rodrigo de Villa Andrando. Voy., sur ce personnage, le mémoire de M.Qyicherat, Bibliothèque de l'École des chartes, t. 6, p. 119 et suiv.
ï}2 Jean Chartier. [1431
tivcmcnt celle part. Et tantost après se trouvèrent en bataille ledit sire de Gaucourt et Rodigues contre ledit prince d'Orenge , et combattent ensamble cedit jour, et finalement fut desconfilt icelui prince a'Orenge, et y ot trèsgrant nombre de ses gens mors et prins. Et se retira ledit prince d'icelie bataille et s'en alla en son pays. Et comme il s'en fuyoit de ladite bataille , Fut de si près chassé par les François (jue force lui fut de passer sur son cheval la* rivière du Rosne à grant haste tout à eué , ou autrement il estoit prins. Laquelle chose est moult merveilleuse, se mist en très-grant danger d'estre noyé. Et gaignèrent lesdits de Gaucourt et Rodigues de grandes richesses et grant nombre de bons prisonniers.
[Affaire de Beauvais. Poton de Saintrailles et le Berger sont pris par les Anglais.]
Environ ce temps , le conte d'Arondel , Angloiz , à tout bien deux mille combatans ou environ, s'aproucha de Beauvoiz à une lieue près ou environ , et envoya ses coureurs courir devant icelle ville de Beauvoiz. En laquelle estaient le sire de Boussac , mareschal de France, uns cappitaine gascon nommé Poton de Santrailles et bien de huit cens à mille combatans. Et saillirent après iceulx coureurs lesdits mareschal , Poton et leurs gens, avec plussieurs gens de ladite ville, à pié, en chassant iceulx cou-
14? i] Chronique de Charles VII. ijj
reurs angloiz. Et quant ilz furent loing de ladite ville comme environ demye lieue, soudainement vindrent saillir d'une vallée ledit conte d'Arondel et ses gens. Et lors fut dit par lesdits mareschal et Poton qu'il estoit de neccessité de eulx mettre en bataille et ordonnance, et en prenant conseil sur ce qu'ilz avoient à faire, venoient tousjours iceulx Angloiz à pié et à cheval, et sans point marchander vindrent iceulx Angloiz frapper sur iceulx François. Lesquelz n'estoient pas du tout arrestez en leur conclusion , et de quoy la plus grant part avoit jà le pié levé. Et finalement furent iceulx François Qesconfilz par ledit conte d'Arondel , et y en ot plussieurs mors et prins , et principalement y furent mors plusieurs gens de ladite ville qui estaient allez à pié. Et y fut prins ledit Poton de Saintrailles et une valleton qui se nommoit Le Bergier, qui disoit qu'il venoit de j)ar Dieu , lequefon réputoit pour fol. Et se retira audit lieu de Beauvoiz ledit mareschal avec grand nombre d'icelle compaignie.
La journée dé Barroiz , où le duc de Bar fut prins
des Bourguongnons.
En ce mesme temps ensuivant le duc de Bar 1 et le sire de Barbazan 2 tenoient le siège devant la ville de Vaudesmons, et pour lever
! . Réné d'Anjou.
