MathewGough

1 43 2 J Chronique de Charles VII. 157

nombre de deux à trois mille combatans, se partirent icellui soir d'icellui siège et chevauchèrent toute nuyt et vindrent cheoir un pou après le point du jour sur lesdits François qui estoient logez audit lieu de Vinaing, qui estoient la moictié de la compaignie de tous iceux François logez ès dits deux villages.

Et là eult erant bruit et grant cry à leur arivée, tant que lesaits sire de Bueil , de Loré et autres qui estoient logiez audit lieu de Beaumont le peurent bien ouir. Lesquelz estoient tous armez et prestz , montèrent à cheval bien dilliganment et passèrent ledit pont de ladite rivière de Sarte, en faisant tirer leurs ensaignes vers ledit lieu de Venaing. Et auprès d'une justice loing d'icellui pont comme le trait de deux arbalestes , firent arrester leurs dites ensaignes et parlèrent ensamble en concluant bien en haste que on tireroit avant; avec lesquelz sire de Loré, de Bueil et leurs ensaignes n'avoit encores point plus de soixante à quatrevinçtz lances et cent ou huit vingtz archiers 1 . L'intention desquelz estoit que en eulx hastant trouveraient encore lesdits Angloiz et François combatans ensamble audit lieu de Vinaing. Maiz estoient jà iceulx François desconfilz, les ungtz mors, les autres prisonniers. Lequel sire de Loré, mareschal dessus dit, print la charge de conduire les archiers et chevaucha hastivement devant avec son ensaigne.

Et après chevauchèrent lesdits sire de BueiL le sire de Saint-Pierre, Messire Pierre Leporc,

i. C'est-à-dire cent soixante (ms. 9676, 2, a, f» 40). Godefroy : six vingtz.

138 Jean Chartier. [1431-

Messire Pierre de Bernanville, Gaultier de Brussac. Lequel Vinaing ledit sire de Loré congnoessoit aucunement. Lequel sire de Loré , en chevauchant , vit et apperceult les estandars desdits Angloiz, qui jà estoientau dehors dudit village. Avec lesquelz estandars avoit environ de mil à douze cens combatans angloiz à pié et à cheval, lesquelz estoient fort enbesongnez à tenir chevaulx en main et à tenir et lier prisonniers.

Et à celle heure et par Pun des boutz d'icellui village de Vinaing, du costé devers Beaumont, vindrent saillir dix ou douze Angloiz contre ledit sire de Loré et lesdits archiers françois. Lesquelz archiers françois les reboutèrent, et sans ordonnance les poursuivirent jucques dedens ledit village de Vinaing , lequel estoit tout plain d 'iceulx Angloiz, qui prenoient les François et leurs bagues; et envoya ledit sire de Loré avec iceulx archiers ung escuier nommé Poulain. Quant il aperceult qui ne les povoit garder d'entrer en icellui village, car son intention estoit de les faire joindre aveajues ledit sire du Bueil et autres , et adonc se joignit avec ledit du Bueil et autres et leur dist : Vecy les ensaignes des Angloiz dehors ce village; il ne faut point marchander. Et avoit desdits François jucques ausdits Angloiz pas plus d'un trait d'arbaleste. Et promptement fut conclud marcher contre iceulx Angloiz , combien qu'il n'y avoit pas à celle heure desdits François plus de quatre vingtz à cent lances , maiz tousjours venoient les autres à fille 1 . Et semblablement sailloient à la fille les