Chapitre

Siège mis par les Angloiz devant Saint-Célerin.

Andit an mil quatre cens-trente-deux , le conte d'Arondel , Angloiz , lieutenant du roy d'Angleterre , fist une crant armée, et vint mettre le siège devant le chasteau de Saint-Célerin, en Normendie , dont dessus est faict mencion . et y fist mener et afuster plussieurs grosses bombardes, enuins à verges et autres habillemens de guerre. Lesquels engins à verges et bombardes jectoient jour et nuyt sans cesser contre ledit chasteau. Et y ot fait plussieurs grans mynes et autres aproucnemens par iceulx Angloiz , et par ung escuier nommé Jehan Armenge, lieutenant en icellui chasteau de Messire Ambrois sire de Loré, et une autre escuier vaillant, nommé Guillaume de Saint-Aubin , avec autres vaillans gens dudit chasteau , furent faictes plussieurs saillies et grans résistences contre iceulx Angloiz.

Et tindrent en guerre ledit chasteau plus de trois moys , espérant que ledit sire de Loré , lequel avoit ses femme et enffans en icellui chasteau, feist grant dilligence de leur secours.

[i4J2] Chronique de Charles VII. 165

Lequel faisoit très-grandes et merveilleuses dilligences, et à son pourchaz le roy de France fist une très-grant armée pour cuider secourir icellui chasteau. Mais les assiégez furent contrains par les Angloiz de faire composicion et de rendre ladite place avant que ledit secours peust estre venu, parce que lesdits Jehan Armenge, Guillaume de Saint-Aubin et plussieurs autres , jucques au nombre de quarante ou cinquante , avoient esté mors à la deffence d'une grant bresche faicte en la muraille d'icelui chasteau par lesdites bombardes et autres engins. Et fut rendu icellui chasteau et s'en allèrent les assiégez , et en ouïrent sauconduit d'eulx en aller à pié et sans leurs biens.