Chapitre mi

Ambassade pour la délivrance du duc de Bar l .

Le dymenche vingt-quatriesme jour dudit mois ouaitan, Monseigneur le duc de Bourbon, Monseigneur le Connestable, Monseigneur de Vendosme, Messire Christophle de Harcourt et Monseigneur de la Fayette arivèrent à Rains. Et de là se partirent, en leur compaignie Monseigneur l'archevesque de Rains 2 , pour aller à Digon affin d'avoir la délivrance de Monseigneur le duc de Bar, lequel estoit prisonnier de Monseigneur le duc de Bourgongne. Et allèrent tous , excepté mondit seigneur le Connestable , lequel demoura pour attendre douze cens saluz. Et environ le quatriesme jour après qu'il eult reçeuz lesdits douze cens saluz, se partit pour aller à Saincte-Menehou pour faire rendre les forteresses à ceulx à qui elles estoient , et aussi pour faire rendre Grantpré , car le cappitaine du dedens , nommé Champaigne , ne la voulloit rendre, se ledit connestable n'y fust allé en personne.