Willoughby

2 18 Jean Chartier. [Déc.-Fév,

fermer les portes , euix souffisamraent armez et habiilez , et vindrent ès logis (Ticeulx Angloiz, et les prindrent prisonniers sans ce qu'il y eust aucun amer mort, et ne trouvèrent lesdits François aucune résistence , excepté ledit Messire Jehan de Rappelay, qui monta, lui troisiesme, sur la porte emprès TOstel-Dieu. Sur laquelle se dépendirent moult vaillanment , tant à ruer pierres comme à combatre de tuilles et autrement. Et en conclusion se rendit ledit chevallier à ung bourgois qui avoit espousé la cousine germaine de sa femme. Et ce fait, envoyèrent tantost devers Monseigneur Jehan de Villiers , seigneur de l'Isle-Adam et chambellain du duc de Bourgongne, affin qu'il vousist prendre la charge d'icelle ville de par le roy ; ce qu'il fist, nonobstant qu'il n'estoit pas encores acertené de la paix faicte à Aras entre le roy et Monseigneur de Bourguongne. Maiz ne demoura guaires après qu'il n'en eust la certifie quoy, incontinent les nouvelles ouyes, conmença à exposer son corps au service du roy ; et demoura cappitaine de ladite ville. Et avecques lui pour la garde d'icelle demourèrent Monseigneur de Montmorency, Monseigneur Jacques de Villiers , et plussieurs autres cappitaines.

De laquelle prinse furent moult couroucez et dollens les Angloiz, et les François moult joyeulx. Laque! joye fut moult aparent en tant que de toutes les parties de ce royaulme, et pour leur obéissans au roy de France , venoient seigneurs et cappitaines veoir et visiter ladite ville de Pontoise.