Pâques le 8 avril

i4}6] Chronique de Charles VIL 221

leur compagnie , fut ordonné par ledit connestable de venir, luy, le bastard d'Orléans et autres dessus nommez avec leur compaignie eulx logier à Saint-Denis en France , laquelle ville de Saint-Denis avoit esté désemparée par les Angloiz , ainssi que dessus est dit , combien que lesdits Angloiz tenoient tousjours une tour audit Saint-Denis, nommée la tour de Vélin. Et entre Ponthoise et la ville de Saint-Denis, ainssi comme environ deux lieues dudit Saint- Denis, vint nouvelles à ceulx qui estoient envoyez devant par ledit connestable pour faire et ordonner le logis , que les Angloiz estoient sailliz de Paris pour venir à Rencontre , et que ilz estoient oultre ladite ville de Saint-Denis en tirant droit à JPontoise.

Lesquelz François, qui devant estoient, s'arrestèrent et firent savoir à ceulx qui faisoient l'avantgarde qu'ilz chevauchassent hastivement. Et semblablement envoièrent chevaucheurs audit connestable pour le faire avancer. Ettiroient les Angloiz leur chemin droit aux François, et pareillement s'avancèrent les François ae chevaucher contre lesdits Angloiz. Et tant chevauchèrent d'une part et d'autre qu'ilz se rencontrèrent près d'un ponceau de pierre lez de ladite rivière de Saine , environ de demye lieue de ladite ville de Saint-Denis. Et estoient iceulx Angloiz de sept à huit cens combatans; desquelz estoit,chief Messire Thonmas de Beaumont, chevallier, avecques lequel estoit ung autre chevallier, nommé Messire Thomas Druic, tous deux Angloiz. Et là eult de grandes et grosses escarmouches.

222 Jean Chartier. [Avril

Et plussieurs foiz les François reboutoient les Angloiz et gaignoient icellui pont, et autreffois les Angloiz reboutoient les François et gaignoient semblablement icellui ponceau. Et tousjours venoit ledit connestable avec le plus de la compaignie qui encores estoit desrière. Et après toutes icelles escarmouches qui longuement durèrent, chargèrent à pié et à cheval iceulx François sur iceulx Angloiz, tellement que ledit sire ae Beaumont et ses Angloiz furent desconfilz. Et y en ot de mors de trois à quatre cens , et y fut prins prisonnier ledit sire Thomas <Je Beaumont par ung escuier breton nommé Jehan de Rosennivynen 1 , et plussieurs autres Angloiz en grand nombre. Et furent chassez iceulx qui çeurent eschapper jucques à Paris , à la porte Saint-Denis, devant laquelle porte yen ot plussieurs mors.

Et se vint logier ledit connestable et sa com-

Î>aiçnîe audit lieu du Saint-Denis, et fist mettre e siège devant ladite tour de Vellin 2 , en laquelle avoitbiende trente à quarante Angloiz, lesquelz s'estoient sauvez dedans icelle tour avecques le cappitaine nommé Brichanteau, nepveu de Messire Simon Morhier, prévost de Paris; et auquel lieu de Saint- Denis ledit connestable laissa de ses gens en garnison et s'en retourna avec sa compaignie audit lieu de Ponthoise,

1. Ou Rosnmnen. Ce nom, qui subsiste encore, doit se prononcer, je crois , Ronivinin.