Chapitre
Siège mis à Calait par le duc de Bourgongne.
En ce temps Philippe , duc de Bourgongne , mist le siège devant Calaiz à bien grant ost, dont la plus grant partie estoit du pays de Flandres, et pou y a voit d'autres gens de guerre. Et plussieurs foiz et par diverses journées y ot dç grans saillies et escarmouches entre iceulx François et les Angloiz estans oudit Callaiz , dont il y en ot plussieurs mors et prins et fait de grans vaillances tant d'une part que d'autre. Et tousjours entroient et yssoient lesdits Angloiz par la mer, et avoit fait ledit duc de Bourguongne mener grant foison d'artillerye tant grosse que menue , et entre les bombardes y en avoit trois venues de Bourgongne, dont à Tune avoit pour la traisner de sur ung chariot cinquante chevaulx, et à l'autre trente , et à l'autre vingt-six, et furent convoyées à force de gens d'armes tant de pié que de cheval.
Et après ce que ledit duc de Bourgongne et son ost y ouïrent tenu le siège par l'espace de deux moys et plus , se desloga lui et son ost en Çrant desroy , et y laissèrent plussieurs artilleries, chariotz et autres biens. Et disoit-on que ce avoit esté de la voulenté et des ordonnances d'iceulx Flamens , lesquelz on nombroit à plus de trente mille. Et maintenoit-on qu'ilz furent en
propos de courir sus audit duc de Bourguongne sans savoir cause pourquoy. Et tuèreht ung sien chevallier nommé Messire Jehan de Horgne 1 .
. Et demoura icellui duc de Bourguongne tout le desrenier à bien peu de gens devant ledit Callaiz, et reboutta et résista moult vaillanment lesdits Angloiz qui estoient sailliz dudit Callaiz , quant ilz aperceurent que lesdits Flamens s'en alloient ainssi en désarroy. Et après print son chemin lui et ses gens d'armes, et se retira vers son pays obéissant, lui et ses gens. Et tantost après dessendit audit lieu de Callaiz une bien grosse armée d'Angloiz, qui venoient pour combatre et lever ledit siège ; et quant ilz ne trouvèrent rien devant ledit Callaiz , ils coururent en plussieurs lieux de Flandres et Picardie et y firent plussieurs maulx, en bouttant feux et en prenant et emportant tout ce qu'ilz povoient emporter. Et y tmdrent les champs ou dit pays longuement, et furent guerroyez , chevauchés , escarmouchez par les aucuns des gens dudit duc de Bourguongne. Et après s'en retournèrent audit lieu de Callaiz , et de là s'en allèrent les ungtz en Angleterre et les autres en Normendie.
Ung incident. — Prise du maréchal de Rocheforî.
En cemesme temps ou environ, Messire Pierre de Rochefort, mareschal de France, s'estoit parti de Dieppe pour aller à Paris, et s'en alloit
