Chapitre

Du siège mis par les Angloiz devant Harfleu.

En ce mesme an et durant les divisions dont dessus est faicte mention , les Angloiz à grant armée mirent le siège devant Harfleu , en Normendie , qui se tenoit pour le roy de France , et se fortiffièrent en leur siège merveilleusement de fossez. Et après qu'ilz ouïrent tenu ledit siège par l'espace de sept moys, le roy de France envoya une armée pour entrer en ladite ville de Harfleu, ou autrement besongner sur ledit siège, ainssi qu'il leur seroit possible. De laquelle armée estoient chiefz le bastard d'Orléans , le baslard de Bourbon et La Hire. Et estoit ledit bastard d'Orléans principal sur tous les autres. Et se mist lui et ceulx de sa compaignie en grant effort de combatre lesditz Angloiz tenans fedit siège , et d'entrer en leur fortifficacion. Mais lesdits Angloiz se tenoient tellement sur leurs gardes que iceulx François ne peurent oncques entrer en icelle fortifficacion ne audit Harfleu, tant par mer que par terre, néantmoins 1 que les François en feissent tous devoirs possibles , et assaHlïrent lesdits Angloiz par plussieurs et diverses foiz et par maintes journées.

Et après ce , voyant lesdits François eulx ne pouvoir beaucoup prouffiter sur lesdits Angloiz,