Ou AubmarU, Aumale

Jean Chartier. I. 3

34 Jean Chartier. [Sept.

gens en la ville de Laval. Le dit sire de Loré et autres plusieurs se rendirent à luy.

Et là vint ung chevalier nommé messire Jehan de la Haye, baron de Coulomces, lequel avoit très belle compaignie , lequel estoit pour lors en indignacion du dit conte d'Aumarle pour aucunes désobéissances que icelluy de Coulomces luy avoit faites en son gouvernement. Et quelque besoing ou nécessité que oult icelluy conte d'Aumarle, il ne voulloit souffrir que icelluy de Coulomces allast en sa compaignie, combien que il fut tant fait vers icelluy conte qu'il fut content qu'il luy allast pour le jour sans soy monstrer devant sa personne, et le landemain bien matin , à ung jour de samedi , se party le dit conte d'Aumarle de la dite ville de Laval pour soy aller mettre entre le pays de Normendie et les ditsAngloiz, à ung lieu où luy fut dit que les ditz Angloiz dévoient passer pour eulx en retourner ou dit pays de Normendie. Et envoya plussieurs gens bien congnoissans pour iceulx Angloiz costoier et chevaucher, chargés de luy faire tousjours savoir toutes nouvelles d'iceulx Angloiz, lesquelz estoient partis de devant le dit chastel de Segré, et venoient tout droit par devant ung chastel nommé la Gravelle et en amenoient avecquez eulx les hostages de la ranson d'icelluy chasteau de Segré et plussieurs risonniers , et plus de dix ou de douze mille eufz et vaches. Et se vint logier icelluy conte d'Aumarle à ung village nommé le Bourgneuf de la Forest.

Auquel village il ouyt certaines nouvelles que iceulx Angloiz estoient logez à trois lieues du

1423] Chronique de Charles VII. jj

dit village ou environ, et qu'ilz tiroient tout droit à aller passer par ung lieu nommé la Broissinière, à une lieue d'icelluy village de Bourneuf de la Forest où il estoit logié.

Et tantost icelluy conte d'Aumarle fist venir par devers luy Pierre, bastard d'Alençon, qui là estoit, André de Laval, Messire Guy de Laval, Messire Loys Tromargon, le dit sire de Loré et autres chevaliers et escuiers, et leur dist et signiffia ce que on luy avoit dit et raconté d'iceulx Angloiz. Et leur requist conseil et leur dist qu'il voulloit conclure à celle heure ce qu'il avoit à faire pour le jour, et finablement fut conr clud et appoincti que le dit conte d'Aumarle avecques tous ses gens seroient au dit lieu de la Brouissière le dimanche matin à souleil levant, et que icelluy conte d'Aumarle se mettroit là en bataille , à pié , pour actendre iceulx Angloiz avecquez les chevaliers et autres gens de sa compaignie, et que le dit sire Loys de Loré, messire Loys Tromargon, seroient à cheval avec sept ou huit vingtz lances pour besongner sur iceulx Angloiz , ainssy qu'ilz le verroient avoir à faire, sans nulle autre charge, et que c'ilz voulaient avoir ung autre capitaine avecqz eulx , qu'ilz le prenssissent. Et se fut dit principallement afnn aue le dit Coulomces fust avecqz iceulx deux chevaliers ordonnez estre à cheval , pource que, comme dit est, icelluy de Coulomces n'estoit pas en la grâce du dit conte d'Aumarle ; et aussy se trouvèrent le dit conte d'Aumarle et autres le landemain au matin ensuyvant, à la dite heure, au dit lieu de la Broissinière , et fut la bataille ordonnée à pié. Et le dit sire de

}6 Jean Chartier. [Sept.

Loré , Tromargon et Coulomces estoient à cheval.

Et l'ordonnance ainssy faite et mise à point, dedans deux heures après on vit les coureurs des ditz Angloiz qui rachassoient les couleurs des ditz François. Et tantost iceulx trois chevaliers à cheval , lesquelx a voient avecquez eulx de sept à huit vingtz lances, allèrent contre iceulx Angloiz et leur tindrent grande et dure escarmuche, tant qu'ilz les firent dessendre à pié à bien demy quart de lieue du dit lieu de la Broissinière, où estoit en bataille à pié le dit conte d'Aumarle et ses gens, et vindrent marchant iceulx Angloiz droit à la bataille du dit conte d'Aumarle, laquelle ilz ne povoient bonnement veoir, pour ce que iceulx trois chevalliers les faisoient tousjours tenir ensamble. Et se retirèrent tout bellement iceulx trois chevalliers droit au dit conte d'Aumarle , et quant les batailles du dit conte d'Aumarle, francoiz, et du dit sire de la Poulie, angloiz, furent vis à vis à ung trait d'arc les ungz des autres, et en marchant picquèrent iceulx Angloiz des paux en grant nombre que ilz portoient avec eulx. Et à celle heure les ditz chevalliers francoiz, avecques leurs gens, passèrent par entre les 'dites deux batailles, et vindrent tout jucques oultre le bout de la bataille des ditz Angloiz pour férir dedens.

Maiz les ditz paux que les ditz Angloiz plantoient devant eulx les empeschèrent. Lesquelz voyans qu'ilz ne povoient passer pour les ditz paux , tournèrent tout à coup sur le costé de la bataille des ditz Anglois , où ilz n'avoient nulz paux ; tousjours marchoit à pié la bataille des ditz

i4*î] Chronique de Charles VII. J7

François contre les ditz Angloiz. Et d'icelle armée iceulx trois chevalliers à cheval rompirent la bataille des ditz Angloiz et les firent tourner tous ensamble contre ung grand fossé , et tant que iceulx Angloiz n'avoient plus nulle ordonnance , et adonc vint joindre le dit conte d'Aumarle et sa bataille avec iceulx Angloiz main à main.

Et finablement furent icelluy de la Poulie et sa compaignie desconfilz. Desquelz Angloiz y eult de mors en champ quatorze cents , qui furent faitz enterrer par Alençon le Hérault; et, à la chasse , deux à trois cents. Et y fut prins le dit sire de la Poulie, Thomas Aboing, Messire Thomas Cliffeton et plusieurs autres Angloiz. Et ne eschappa, qu'ilz ne fussent mors ou prins, pas plus de cent à six-vingts (i 20). Et y fut fait plussieurs chevalliers , et entre les autres, y fut fait chevallier le dit André de Laval, filz du dit sire de Laval. Et y fut mort ûng chevallier françois, nommé messire Jehan le Roux , avec bien peu d'autres. Et de là s'en alla le dit conte d'Aumarle et la compaignie ce jour à la Gravelle. Du dit lieu de la Gravelle print son chemin le dit conte d'Aumarle droit aux pays de Normendie et s'en ala devant la ville d'Avranches. Et

Î laissa le sire d'Aussebout avec certain nomre de gens d'armes pour icelle ville d'Avranches cuider mettre en obéissance du roy , et passa tout oultre et s'en alla loger ès faulxbourgs de Saint-Lo en Normendie. Et y séjourna par trois ou quatre jours. Et y oult prins plussieurs prisonniers et biens. Et de là , s'en retourna devant la dite ville d'Avranches , et puis tira avecques

Jean Chartier.

[Avril-juin

toute sa compaignie en pays du Mayne sans autre chose faire.

L'an mil CCCCXXIII dessus dit fut mis le siège en la ville de Sedanne , par le conte de Sallebry , de laquelle ville estoit cappitaine ung escuier du pays nommé Gilles Marin , avecques luy messire Rogier de Cricquetot , chevallier de Normendie , acompaignié environ de cent et cinquante combatans. Et fut le siège depuis le mardy de Pasques 1 jusques à la Saint-Jehan 2 en suivant. Et fut la dite ville fort batue de canons , et après prinse par mine, et y ot bien soixante François à l'aussault et autre soixante que le dit conte fist pendre, et le demourant fut prisonnier. Et fut le dit cappitaine tué ou dit assault et le dit Cricquetot prisonnier. Et ainssy demoura le dit conte de Sallubry seigneur pour le roy d'Angleterre de la dite ville de Sedanne, et y laissa ung cappitaine de ses gens à la garde d'icelle.