Chapitre

Comme Arius de Bretaigne fut fait connectable

de France,

Environ ce temps , Artus , fils du duc de Bretaigne, conte de Richemont, lequel avoit esté prins prisonnier par les Angloiz à la bataille d'Aguincourt , dont ès cronicques précédentes 1 est faicte mencion , lequel avoit esté délivré par certains moyens tant du duc de Bourgongne que du duc de Bretaigne , son frère , en faisant certaines promesses au roy d'Angleterre. Et le dit roy d'Angleterre mort, comme dit est, il sembla au dit conte de Richemont que plus n'avoit de foy ne de promesse au successeur du dit roy d'Angleterre , et que aussy ce qui en avoit esté fait par contrainte et pour soy mettre hors de prison en ayant tousjours voulenté de servir le roy de France , et luy sembloit que le dit roy d'Angleterre mort , que de toutes promesses estoit quicte. Et tentost s'en vint devers le roy de France, en la cité d'Angiers, pour soy offrir en

1. C'est-à-dire l'histoire de Charles VI parle Religieux de Saint-Denis.

48 Jean Chartier. [Mars

son service comme celuy à qui le courage et la volonté n'estoit changée ne muée depuis le jour qu'il avoit esté prins à la dite bataille d'Agincourt, quelques choses que saigement eustfaictes pour trouver la délivrance. Et ledit roy de France, voyant la loyalle volonté du dit conte de Richemont , le receult à grant joye et à grant honneur, et fut moult content et moult joyeulx de sa venue, et le fist et ordonna connestable de France, pour ce que le conte de Bouquain, qui par avant estoit connestable de France, avoit esté tué puis ung pou à la bataille de Vernoil dont dessus est faicte mencion. Lequel conte de Richemont accepta l'office de connestable et print et receult l'espée en faisant le serment au roy et au royaulme de France en la manière acoustumée.