Chapitre

Jean duc d'Alençon délivré de la prison

des Angloiz.

En icelluy mesme temps fut délivré de la prison des Angloiz 1 Jehan duc d'Alençon, lequel avoit esté prins à la bataille de Vernoil, et paia bien deux cens mille escuz d'or, dont il paia partie contant et de l'autre partie bailla nostages , c'est assavoir, le sire de Beaumesnil, Messire Jehan Le Verrier, Messire Ferron de Villeprouvés, Hardouyn de Monbroez, Jehan le Seneschal, Huet de Fontenay, Loys Février, lesquelz il délivra bien et loyaument ainssy que promis leur avoit.