Chapitre jj

Continuation du dit siège.

a près ce que ledit siège eult esté tenu par r\> iceulx Angloiz devant icelle ville d'Orléans par l'espace de sept moys , et qu'il y ot esté fait plussieurs guerres et vaillances d'un costé et d'autre, et que ladite ville estoit en si grant nécessité que bonnement ne povoit plus durer pour la grant nécessité de vivres qui là estoit, combien que tousjours le bastard d'Orléans , le sire de Boussac, mareschal de France, La Hire et plussieurs cappitaines y faisoient le mieulx qu'ilz povoient de résister contre les Angloiz, comme de avictaillier icelle ville de leur puissance , sy disoit-on communément que icelle ville seroit perdue. Et comme dessus est dit, les villes de dessus la rivière de Loire jucques à Blois estoient anglesses; toutes les forteresses de la Beauce, excepté Chasteaudun, estoient semblablement anglesses; La Ferté-Hubçrt en la Soulongne, estoit aussy tenue des Angloiz. Et n'y véoit-oit nulle bonne provision ne remède.