La victoire de Patay fut remportée le 18 juin

88 Jean Chartier. [Juin

avoit en sa compaigniele duc d'Alençon, le duc de Bourbon le conte de Vendosmè, Jehanne la Pucelle , le sire de Laval , le sire de La Trimoulle 2 , le sire de Raiz, le sire d'Albreth, le sire de Lohéac , frère du sire de Laval , et plussieurs autres grans seigneurs et grans cappitaines.

Et venoient gens d'armes de toutes pars au service du roy, et avoient chacun grant attente que par le moien d'icelle Jehanne la Pucelle en eust beaucoup de biens au royaulme de France. Laquelle on convoitoit fort voir et disiroit-on à cognoestre ses faitz comme chose congnue de par Dieu *, et chevauchoit tousjours armée et en habillement de guerre, ainssy qu'estoient les autres gens de guerre de la compaignie. Et parloit aussy preudanment de la guerre comme ung cappitaine eust sceu faire. Et quant le cas advenoit qu'il avoit en ost aucun cry ou effray d'armes, elle venoit, fust à pié ou à cheval, aussy vaillanment comme cappitaine de la compaignie eust sçeu faire , en donnant cuer et hardement à tous les autres et en les admonestant de faire bon guet et garde en l'ost , ainssy que par raison doit faire. Et en toutes les autres choses estoit bien simple personne, et estoit de

1 . C'est-à-dire Charles , comte de Clermont : celui-ci ne fut duc de Bourbon qu'après son frère, en 1434. Jean Chartier l'appelle ainsi parce qu'il ècrivoit après 1437. Voy. notice de Jean Chartier.

2. Georges de la Trimouille, personnage hétéroclite. La sincérité même de son attachement à la cause de Charles VII et sa probité se présentent également dans l'histoire sous un jour douteux. Il exerça, dans cette période critique, une funeste influence.

3. (Ms. de Rouen et autres.) Godefroy : comme chose toute extraordinaire venue de la part de Dieu.

belle vie et honneste , et se confessoit bien souvent, et recevoit le corps Nostre-Seigneur presque toutes les sepmaines. Estoit tousjours armée ou autrement en habit d'omme. Et disoit on que c'estoit trop estrange chose de veoir chevaucher une femme en telle compaignie , et tant d'autres raisons disoit on qu'il n'y avoit clerc ne autre qui de son fait ne tust esmerveillé.

Et pour celle heure estoit le sire de la Trimoulle avec le roy de France, et disoit-on qu'il avoit fort bien entreprins le gouvernement au royaulme de France. Et pour celle cause grant question eurent icellui sire de la Trimoulle et le conte de Richemont, connestable de France. Pourauoy il faillut que ledit connestable, qui avoit tien en sa compaignie douze cens combatans, s'en retournast. Et aussi 1 firent plussieurs autres seigneurs et cappitaines , desquelz ledit sire de la Trimoulle se doutoit 2 , dont se fut très grant dommage pour le roy et son royaulme. Car par le moien d'icelle Jehanne la Pucelle venoient tant de gens de toutes pars devers le roy pour le servir à leurs despens, que on disoit que icellui de la Trimoulle et autres du conseil du roy estoient bien courroucez que tant y en venoit que pour la doubte de leurs personnes. Et disoient plussieurs que ledit sire de la Trimoulle et autres du conseil du roy eussent voulu recuillir tous ceulx qui venoient au service du roy qu'ilz eussent peu légièrement recouvrer tout ce que les Angloiz tenoient en royaulme de France.

1 . Ainsi : c'est-à-dire que plusieurs capitaines se retirèrent aussi.