M. dit: « cinq cens combattans ou environ

il 9

à desconfîture. Mais les Bourguignons saillèrent sureulx si vaillamment qu'ilz les mirent en tel desroy qu'il en y eult, que mors que pris, bien vcl; et les aultres fuyrent. Et, du costé de Bourgoingne, n'y furent mors que Le Bastard de La Viefville et x archiers. Le seigneur de Lille Adam fut navré au visaige, et si ot la jambe perchie d'une hache; et, pour celle adventure, futl'effroy si grant ou pays, que toutes les villes d'illec entour du party de la ducesse se rendirent en l'obéissance du duc. Et pour ce que celles qui se furent rebellées après le sérement fait au duc, et qu'ilz eulrent esté au siège de Herlen avec la ducesse, icelles furent constrainctes de baillier plesges des plus sousfissans du pays, pour tenir tout ce en quoy par le duc ilz seroient condempnez pour leurs fourfaiz.