CHAPITRE GL1V
Comment la ville de Zenenberghe, et le seigneur qui tenoit le party de dame Jacques de Bavière, se rendirent au duc de Bourgongne; et du trespas du duc Jehan de Brabant, filz aVAnthoine, duquel Phelippes, son frère, fut héritier, qui estoit conte de Saint-Pol et de Ligny, seigneur de Fiennes et chastelain de Lille.
En ce temps, furent les ennemis du duc de Bourgongne qui se tenoient à La Goude, en Hollande, destroussés et rués jus en trois lieulx; c'est assavoir, à Lalcide, à Delft et en ung aultre lieu; et puis y mist le duc garnison de ses gens, et s'en retourna en Flandres où il assembla plus grant ost que devant, et les mena devant Zenemberghe, forte ville à merveilles, et l'assiéga puissamment. Et estoit léans le seigneur du lieu, à grant nombre de gens du party de la ducesse Jacqueline. Geste ville, pour sa force, tenoit en subjection tous les aultres portz de mer de Hollande, de Zellande et de Flandres; car elle avoit grant deffence par mer. Et souffrirent les gens du duc maintes paines durant le siège, pour la tempestes de la mer et autrement. Mais, lînablement, quant ilz eurent sys tout
l'iver, et que la famine vint en la ville, ilz se rendirent par letraictié que cy après s'ensuit.
« C'est assavoir, que le seigneur de Zenemberghe, luy, ses subgetz, sa ville et forteresses et toutes ses terres et seignouries, mist toutes es mains du duc, en sa pure voulenté, leurs vies saulves. Et tenoient prison à Lille tous les gentilz hommes de léans, là où le duc leur ordonna.
« Item, que ilz renderont tous les prisonniers, en quelque place que ilz aient quictés et délivrés.
« Item, que les bourgois et habitants de Zenemberghe feront sérement au duc, comme à leur droicturier seigneur, et le duc leur pardonna tout ce que il ont meffait contre luy, et es pays de Hollande et Zellande. »
Ces choses ainsi traicties, le seigneur de Zenemberghe et les gentilz hommes de léans s'en yssirent en leurs pourpoins, sans riens emporter, une corde au col ; et les bourgois et habitans demourèrent en l'obéyssance du duc. Puis, retourna le duc en Flandres pour l'impédimie qui couroit ou pays et mesmement en son ost, dont estaient jà mors le seigneur de Humbercourt, son maistre d'ostel, messire Maurroy de Saint-Légier et aucuns aultres.
En ce temps, trespassa le duc Jehan de Brabant en son chastel de Lierre, le Jeudy absolut1, en disant : « Miserere mei, Deus, et cetera. » Et fut enterré en sa chappelle de la Veure2 où il eult fondées trois messes
