CHAPITRE GLXV
Des armes qui se feirent entre François et Bourguignons en la ville d'Arras, dont le due estoit juge.
Icy, laisse à parler des nopces du duc, et parleray que au par avant dudit mariage, et aussi devant que Tordre de la Thoison d'or fut mise sus, ainsi que le duc alloit à Paris, à grant armée pour ses affaires, en passant devant la cité de Senlis, pour lors tenans le party contraire du duc, en laquelle cité avoit grant foison de ses ennemis , furent certaines armes emprinses, à cheval, de fust et de fer de lances, de trois chevaliers et ung escuier des pays du duc, allencontre de trois chevaliers et ung escuier de la partie adverse, desquelz les noms s'ensient.
Premier, le seigneur de Charny, messire Simon de Lalaing, messire Nicolle de Menton et Jehan de Baudrey. Et ceulx de la partie adverse estoient messire Théaude de Wallepercque, messire Philibert de Brésy, messire Guillame du Bés et Poton de Saint-Trailles ; lesquelz estoient pour lors en ladicte cité de Senlis. Et mirent les dessus nommez si longhement à faire leurs armes que les espousailles et nopces furent faictes et ladicte ordre de la Thoison ordonnée, comme dit est. Et furent lesdictes armes faictes en la ville d'Arras, ou mois de mars ensuivant, devant le duc qui estoit juge des dessusdictes armes. Et, comme dit est, le premier fut messire Pierre, seigneur de Charny, allencontre de messire Philibert de Brésy; lequel de
Charny fist ses armes bien et vaillamment; et fut ledit Philibert navré au visage très durement et en [grant] dangier de mort. Et les autres vj firent très bien, sans avoir nulluy bleschié ne navré. Toutenoiz, ledit messire Théode fut porté par terre, lui et son cheval, par messire Simon de Lallaing qui, depuis, fut fait chevalier dudit ordre de la Thoison d'or.
En après icelles armes s'en firent unes aultres, en ladicte ville d'Arras, de rencontres de lances d'un gentil homme de Savoye l tenant la partie du duc, allencontre de Lestendart de Milly , bien vaillant escuier, qui fut fort bleschié au visage, pareillement que ledit messire Philibert de Brésy.
