en laditte église

il 15

« les trespassez; et, l'endemain, yront, en tel estât, « oyr la messe pour les trespassez, à l'offertoire de « laquelle le chevalier souverain et chascun des che- « valiers présens et procureurs des absens, offeront, « chascun, ung chierge de chire armoyé des armes de « celluy pour quoy1 offert sera. Et, à la dicte offer- « toire, sera, par2 le greffier dudit ordre, leu ung « roolle des noms, surnoms et tiltres du souverain et « des chevaliers de l'ordre trespassez ; pour les âmes « desquelz et des aultres deffunctz cellui qui célébrera « ladicte messe dira d'abondant, en la fin de l'offer- « toire , le psalme De profundis , et une oroison des « trespassez.

« Item, le jour ensuivant, le souverain et chevaliers « de l'ordre, vestus comme bon leur semblera, yront « à l'église oyr la grant messe, qui sera célébrée « solempnellement, de l'office de Nostre-Dame.

« Item , le lendemain de ladicte solempnité , pour- « ront, les souverain et chevaliers de l'ordre, s'il leur « plaist, encommenchier le chappitre pour traictier « des affaires de l'ordre, en tel lieu que par le souve- « rain ordonné sera. Mais, quant aux élections et « corrections des chevaliers de l'ordre, elles se feront « au cappitre de l'église, où avéra esté [faict] le ser- « vice divin, se chappitre y a couvenable ad ce; et, « si non, en tel lieu que il plaira au souverain; auquel « lieu, où se feront lesdictes élections et corrections, « le souverain , chevaliers et officiers de l'ordre ave- « ront leurs manteaulx et chapperons d'escarlatte « dessusdis.