aulcun

« seront tenus quictes, deschargiés d'icellui collier; « autrement, non.

« Item, s'il advenoit que aucuns desdis chevaliers « perdeist le collier par guerre et fait honnourable1, « ou que, en poursieulte d'aucuns fait d'honneur, il « fust fait prisonnier, par quoy ledit collier fust perdu, « le souverain de l'ordre sera tenus en ce cas de « donner à ses despens ung aultre collier audit cheva- « lier. Mais se ledit chevalier perdoit son collier aultre- « ment, il seroit tenu d'en faire ung , à ses despens, « semblable, et l'avoir et porter en dedens quatre mois « après, ou le plus tost que bonnement faire se pourroit.

« Item, que quant il y aura vacquant ung lieu en « l'ordre par trespas d'aucun des chevaliers ou aultre- « ment, il sera, pour remplir le nombre, pourveu d'un « aultre des condicions devant escriptes, par l'élection « et plus grant nombre de voix du souverain et che- « valiers de l'ordre. En laquelle élection et toutes « aultres oppinions et délibéracions touchant les « besoingnes de l'ordre, la voix du souverain aura « lieu et sera comptée pour deulx voix, non pour « plus, sy non au cas cy après déclaré.

« Item, sera procédé à ladicte élection en la manière « qui s'ensuit : c'est assavoir, que après le trespas « d'aucuns des chevaliers de l'ordre, Thoison d'or, « roy d'armes sera tenu de la tantost donner à con- « gnoistre au souverain qui, par ses lettres, le signif- « fiera à tous les chevaliers de l'ordre, en les requé- « rant et mandant que au chappitre de lors prochain