ny aultre quelconque, ny qve les souverains
« ducz de Bourgoingne, souverains dudit ordre, la
« détermination, interprétation et déclaracion, et d'y
« adjouster, corrigier, muer et esclarsir en l'advis et
« délibéracion de nos frères et compaignons dudit
« ordre : excepté, le premier article faisant mencion
« du nombre et de la condicion des chevaliers dudit
« ordre ; le second faisant mencion et disant que les
« frères et chevaliers de l'ordre ne doivent, icelluy
« receu, estre de nul aultre, sy non par la condicion
« oudit article déclairie; le quatriesme article, de
« l'amistié que les souverain et chevaliers de l'ordre
« doivent avoir l'un envers l'autre, et garder l'hon-
« neur l'un de l'autre; le ve, du service que les che-
« valiers de l'ordre seront tenus de faire au souverain ;
« le viije, comment le souverain devera procéder pour
« appaisier les débatz, s'aucuns en sourdoient entre
« les chevaliers de l'ordre, ad cause de leurs per-
« sonnes ; le ixe et xe, de l'assistence que le souverain
« et chevaliers de l'ordre deveront faire à leurs frères
« et compaignons ; le xje, en quel cas les chevaliers de
« l'ordre, non subgetz du souverain, pourront servir
« allencontre de lui, sans charge d'onneur; le xije,
« quelle courtoisie les chevaliers de l'ordre deveront
« faire à leurs frères et compaignons, s'ilz estoient
« prins en guerre ou battaille où ilz fussent; le xiije,
« xve et xvje articles touchant les cas pourquoy se deve-
« ront faire privation de l'ordre et aultres, pour
« lesquelles les chevaliers s'en pourront départir; le
« xvije article, contenant la manière et ordre qui se
« devera tenir, en aller, seoir, escripre, parler, et
« aultres faiz et choses regardans à la scituacion de
« l'ordre devant dicte; le xlje, faisant mencion de
« l'élection à faire, quant il y aura lieu vacquant d'au- « cun chevalier de l'ordre, en quoy le souverain aura « deux voix ; le lije, de la manière de la réception du « chevalier esleu; et icellui mesme article et les liij, « liiij, lv, [lvj], lvije et [lviij], des séremens que deve- « ront faire les chevaliers de l'ordre. Lesquelz articles « et chascun d'eux cy dessus exceptés et désignez, « selon leur forme et teneur, voulons demourer « fermes et entiers, sans par nous, noz successeurs « souverains, ne aultres, y estre faicte mutacion « aucune. Et voulons que au vidimus de cestes, soubz « nostre séel d'icellui ordre ou aultres autenticques1, « plaine foy soit adjoustée, comme à l'original. Et « affin que ce soit chose ferme et estable à tousjours, « nous avons fait mectre nostre séel à ces présentes. « Donné, à nostre ville de Lille, le xxvije jour de « novembre, l'an de grâce mil hijc xxxj. »
