Notre ms. a : par ce
« ou de son commis; et de tout rendera bon et léal « compte au chappitre ordinaire par devant icelluy « souverain, son commis, ou ceulx de l'ordre ad ce « députez.
« Item, fera faire ledit trésorier livres où seront « escrips tous les dons, aulmosnes, lays et bien faiz « que l'en fera à l'ordre, de quelques choses que ce « soit; et, des joyaulx et aornemens, fera inventoire « et ostencion à chascun cappitre, si longhement qu'ilz « pourront durer ou estre; et des dons pécunieux et « prouffiz des rentes et revenues et possessions rendra « bon et léal compte, comme dit est. Et, à chascun « chappitre, nommera par nom et surnom les bien- « faicteurs dudit ordre, et déclairera les dons qu'ilz y « auront faiz, affin d'en avoir mémoire et pryer pour « eulx et donner exemple et courage de y faire bien.
« Item, des Chartres, previliéges, fundacions, aug- « mentacions, acquestz, lettres, munimens et ensai- « gnemens dudit ordre, fera ledit trésorier faire livres « et cartulaires collationnés aux originaulx , approuvé « par séel autenticque et saings de noz notaires, ou « personnes publicques ; desquelz cartulaires l'un « demoura en ladicte église, et l'autre sera mis ou « trésor des Chartres de Bourgoingne. Et se y sera foy « adjoustée, comme aux originaulx, affin que s'ilz « estoient d'aventure perduz, on peuist avoir recours « et soy aydier desdis cartulaires.
« Item, ung aultre officier aura, oudit ordre, « appelle greffier, qui sera prébende d'une des pré- « bendes en l'église où sera faicte ladicte fondacion « d'icellui ordre, ou aultre personne notable et habille « clercq, homme d'église ou séculier; lequel greffier
« sera tenu de faire deux livres en parchemin ; en
« chascun desquelz sera escripte la fondacion dudit
« ordre, les causes, ordonnances et status d'iceiluy.
« Et au commencement desdis livres sera historié la
« représentation du fondateur et des xxiiij chevaliers
« premiers dudit ordre cy dessus nommez. Desquelz
« livres, l'ung sera atachié à chaîne de fer, au ceur de
« ladicte église devant le siège du souverain ; et l'autre
« aussi sera atachié, à chaîne de fer, au cappitre
« devant le siège d'iceiluy souverain.
« Item, que ledit greffier mectera par escript, en
« ung livre ad ce ordonné, toutes les proesses, louables
« et honnourables faiz du souverain et de tous les
« chevaliers dudit ordre, faiz depuis la fondacion
« d'icellui dont il [sera informez par Thoison d'or,
« roy d'armes; et]1 sera tenu de monstrer au chap-
« pitre ensuivant la minutte qu'il aura sur ce faicte,
« au rapport dudit Thoison d'or, pour là estre leu et
« corrigié, se mestier est, et après mis en grosse oudit
« livre; laquelle sera leute avec la minute ou chap-
« pitre subséquent.
« Item, en ung aultre livre escripra ledit greffier
« les appointtemens, conclusions et actes des chap-
« pitres ordinaires, les faultes commises par les che-
« valiers de l'ordre, dont ilz auront esté blasmez ou
« reprins en cappitre, les corrections, pugnicions et
« paines qui pour ce leur averont esté ordonnés; et
« avec ce les contumaces et defïaulx des chevaliers de
« l'ordre qui ne seront comparus en chappitre, et n'y
1. C'est une omission de notre ms., qui n'a pas été commise dans M. P.
« auront pour eulx souffisamment envoyez et faire « remonstrer leurs excusacions.
« Item , ung aultre officier aura oudit ordre ; c'est « assavoir, ung roy d'armes, appelle Thoison d'or, « prudent, de bon renom, [habile] et souffissant à « l'office; auquel mondit seigneur le souverain fera « baillier ung esmail qui sera dudit ordre l qu'il porte tera tant qu'il vivera. Et, après le trespas d'icelluy « roy d'armes, ses héritiers seront tenus de rendre au « trésorier de l'ordre ledit esmail, s'il n'avoit esté « perdu en aucun voyage ou fait honnourable, sans « fraulde : ouquel cas ses héritiers seront quictes dudit « esmail qui ainsy perdu seroit; et sera tenu le souce verain de luy en faire avoir ung aultre semblable.
« Item, le roy d'armes dessusdit aura charge de « porter ou faire porter les lettres du souverain aux « chevaliers de l'ordre, et aultres où il le fauldra « envoyer; signiffier à icelluy souverain le trespas des « chevaliers de l'ordre, quant le cas adviendra ; porter « ou faire porter lettres de élection aux chevaliers « esleuz ; rapporter leurs responce, et généralement « de faire, ou faire faire toutes mésageries et choses « deues que par le souverain ou officiers de l'ordre lui « seront ordonnées.
« Item, ledit roy d'armes, Thoison d'or, enequerra « dilligamment des prouesses et haulx faiz et honnou- « râbles entreprises du souverain et chevaliers de « l'ordre, dont il fera véritable rapport au greffier de « l'ordre, pour estre mis en escript, comme faire se « devera.
