CHAPITRE CLXXXII

De la seconde feste et solempnité de l'ordre de la Thoison d'or, qui fut tenue à Bruges.

La seconde solempnité et chappitre de l'ordre de la Thoison d'or avant dit, fut tenu en la ville de Bruges, à la Saint-Andrieu, mil iiijc xxxij , où comparurent personnellement, avec le souverain dudit ordre, le seigneur de Roubaix, messire Rollant d'Utequerke, messire David de Brimeu, messire Hues de Lannoy, le seigneur de Gommines, le conte de Saint-Pol, messire Guillebert de Lannoy, le seigneur de Croy, messire Jacques de Brimeu, messire Bauduin de Lannoy, le seigneur de Ternant, messire Jehan de Croy, messire Jehan de Créqui, et le conte de Meurs. Et par procureurs, comparurent messire Anthoine de Vergy, le conte de Ligney, le seigneur de Lille Adam, le seigneur de Charny; messire Régnier Pot et messire Anthoine de Thoulonjon estoi[en]t allé de vie à trespas, et messire Florimont2 et messire Simon de Lalaing