CHAPITRE CXCVIII

La cincquiesme feste et chapitre de l'ordre de la Thoison d'or fut tenue à Bruxelles.

Le cincquiesme chappitre, feste et solempnité de la devant dicte ordre de la Thoison d'or, fut tenues à Bruxelles, à la Saint-Andrieu, oudit an, mil iiijc xxxv. A laquelle feste furent en personne, avec le duc, souverain dudit ordre , les seigneurs cy après nommez :

Premiers, le seigneur de Roubaix; messire Hues de Lannoy; le conte de Ligney; le seigneur de Croy; messire Jacques de Brimeu ; le conte de Meurs ; le seigneur d'Antoing; le conte de Charrollois; messire Rollant d'Utekerque; messire David de Brimeu; le seigneur de Commines ; messire Guilbert de Lannoy ; le seigneur de Ternant; le seigneur de Créquy; le seigneur de Lille Adam; messire Florimont de Brimeu ; messire Bauduin de Lannoy ; messire Simon de Lalaing ; le seigneur de Créveceur ; Le Bastart de Saint- Pol ; le conte de Vernembourg. S'ensievent ceux qui comparurent par procureurs : le seigneur de Saint- George; messire Anthoine de Vergy; le seigneur de Jonvelle; le seigneur de Charny; messire Jehan de Croix; messire Jehan de Vergy; messire Baudot de

Noyelle; messire Guy de Pontaillier; le seigneur de Neufchastel.

Au temps d'icelle solempnité et chappitre, n'avoit nulz des chevaliers d'icelluy ordre allé de vie à trespas. Se commencèrent en chappitre à procéder aux corrections et requestes, lesquelles durèrent par l'espasse de quatre jours ; car il y avoit de grans et pesantes matières et requestes, qui pour lors furent baillies.