M. P. omet « à r/rant perte

comme une grant route1 de Daulphinois entendirent à gaigner les chevaulx et baghes des Anglois, les archiers, ordonnez pour garder iceulx chevaulx et baghes, se prindrent à tirer contre eulx par telle vertu qu'ilz les mirent en desroy pour l'enroy de leurs chevaulx qui craingnoient le traict des Anglois. Entretant, se combattoient à la bataille Daulphinois et Anglois par si grant vertu que la chose fut en bransle. Mais, finablement, les Anglois obtindrent la victoire et là furent fort les Escochois loez de bien combattre ; mais, en fin furent desconfiz. Neantmoins, ne fut pas sans grant perte pour les Anglois.

En icelle bataille furent mors les contes de Doudlas et de Bosquehem, escochois, et messire Jacques de Bosquehen , fîlz dudit conte ; le conte d' Aumarle ; le conte de Mary, lombart ; le conte de Tonnoire ; le visconte de Nerbonne et le conte de Vantadour ; l'ancien seigneur de Graville; messire Jehan de Montenay; le seigneur de Bellay ; messire Gilles de Gamaches, et le seigneur de Tionviîle ; (le seigneur de La Faïette fut trouvé vif entre les mors et fut détenu prisonnier) ; le seigneur de Crenville ; messire Anthoine de Beausault, et pluiseurs aultres, jusques au nombre de vm hommes; mais plus d'Escochois que d'aultres gens. Et si, fut prins le duc d'Alenchon; le seigneur de Hommet; messire Pierre Huse; Loys de Moyencourt et pluiseurs aultres. Après celle desconfiture, le régent se loga auprès des murs de la ville de Vernoeul, jusques à Tendemain que la ville et chastel se rendirent à luy. Celle