CHAPITRE LXV

Comment le roif (V Englcterre descendit et print port entre Uonnejleu et Ilarlleii, et assiéga la ville de Har- (leu, laquelle, par faulte de secours, luy fut rendue.

Ne demoura guaires, après la justice faicte, que le roy d'Angleterre se prépara de tous poins, pour monter sur mer et tirer vers France. Si advint, quant le roy fut monté en son navire , et toute sa compaingnie preste pour partir et passer en France , comme il tist, une grande adventure. Advint que le feu se frappa en aucunes de ses navires ; et y ot trois gros navires ars et |)éritz, et tout ce qui estoit dedens, ou peu s'en failly ; et tellement actaint le feu que, depuis que lesdis navires furent espris et presque tous consummez par feu, le marien d'icelles navires ardoit tout cler à tlambe dedens l'eaue. Et fut bien grant adventure (jue il n'y ot plus grant meschief ; mais chascun navire se tira arrière du feu, car nulz ne l'osoit approchier.

Icelles deux adventures advinrent au roy d'Angleterre avant son partement ; dont les pluiseurs de ses gens s'esmerveillèi'eiit fort et doubtoient plus grand inconvénient. Pour lesquelles adventures en y ot aucuns qui conseillèrent au roy de non aller |)lus avant ; mais il ne les vault croire et passa la mer, luy et toute son armée; et tant exploitèrent de nagier que, par une nuyt, veille de l'Assumption Nostre-Dame, ilz prindrent porta ung havre (jui est entre Ilontfleu et Ilartleu, où Teaue de Saine chiet en la mer ; et povoient bien estre viij^ vaisseaulx chargiés de gens et de habillemens de guerre; et prindrent terre sans effusion de sang.

Et après que tous furent descendus , le roy d'Angleterre se loga à Guerarville, en une prioré, et les ducz de Clarcnce et de Glocestre, ses frères, assez près de luy, et les aultres où ils porrent le mieulx. Et, après ce, assiégèrent la ville de Harfleu, qui estoit la clef de la mer de toute Normendie et fermèrent le siège, ainsi qu ilz ont acoustumez de faire. Sy feirent leurs aproces, dreschèrent leurs engins et bombardes, et commenchèrent à battre la ville de tous costez. Dedens Ilarfleux estoiententrez,avecceulxdelaville, environ iij*^ hommes d'armes François, pour garder la ville; entre lesquelz , estoit le seigneur d'Estoutcville , capitaine de par le roy, les seigneurs de Blainville, de llacqueville, de Harmaville, de Briant, de Gaucort, et pluiseurs aultres. Quant les Anglois eulrent mis le siège, ilz envoyèrent leurs fourriers courre par le pais, prendre prisonniers, vivres et aultres choses à eulx nécessaires, et les amenèrent en leurs ostz, en faisant tous les maulx que faire povoient. Le roy d'Angleterre alloit souvent autour de la ville, pour visiter les lieux les plus convenables pour I 13

asseoir ses gros engiens. Les murs de la ville, par les gros engins qii'ilz gectoient, lurent fort adommagiez, et ceulx de la ville se defFendoient très bien. Mais ne leur prouffita guaires ; car les Anglois, par le traict de leurs archiers, les reboutoient à force dedens leur ville.

Or advint une moult malle adventure à ceulx de la ville; car, en ce temps, le roy leur envoyoit grant foison de poudres et traict. Le roy d'Angleterre en fut adverty. Si envoya hastivement de ses gens au devant, qui les prindrent et amenèrent en son ost. Durant icelluy siège, le roy envoya grans gens en la cité de Rouen et en la frontière contre les Anglois, lesquelz Franchois très diligamment gardèrent le pays, tant que les Anglois, estant devant Harfleu, ne prindrent ne ville, ne chasteaulx dedens le pays ; jà soit ce que les Anglois y traveillèrent assez le plat pays pour quérir vij^res ; car ilz eulrent grans deffaulte de vivres, pour ce que ceulx que ilz avoient amenez d'Angleterre estoient jà tous faillys et gastez de l'air de la mer.

Et avec ce férit entre eulx maladie de cours de ventre, dont morurent bien deux mil ou plus. Entre lesquelz furent les principaulx, le conte de Stanfort, l'évesque de Nordvich, le seigneur de Beaumond, le seigneur de Trompanton et Morisse Brunel, avec pluiseurs aultres nobles. Néantmoins, le roy d'Angleterre, en grant diligence et labeur, persévéra tousjours en son siège et fîst faire trois minnes par desoubz la muraille, qui estoit preste pour enfundrer; et, avec ce, iîst par ses engins abattre grant partie des portes, tours et murs d'icelle ville. Par quoy, finablement, furent ceulx de la ville mis en telle nécessité qu'il leur convint

[141 o] SEIGNEUR DE S.\I.\T-I\EM Y. 227

prendre traietié avec le roy dWnj^leterre, qui fut tel qu'ilz se reuderoient tous prisonniers, la vie saulve, moiennant (\u\\/. auroieiit jour compétent de rendre la ville, ou cas que à ce jour ilz ne auroient secours.

Icellui traietié fut des parties accordé, et envoyèrent les Francliois devers le roy et le duc de Guienne, pour luv dénunchier le traietié tel que dessus est dit, et, aussi, se ilz seroient secourus. Lesmessagiers trouvèrent le duc de Guienne à Vernon sur Saine, lesquelz luy remonstrèrent Testât et la nécessité de ceulxde Ilarfleu, qui pryoient au roy et à luy de avoir secours en dedens les jours qui accordez estoient. Mais, à brief dire, il leur fut respondu que la puissance du roy n'estoit pas encoires assemblée, ne preste, pour baillier secours si hastivement; et, sur ce, letournèrent les messages; c'est assavoir, le seigneur de Jacqueville, qui fist son rapport ; dont tous les nobles et ceulx de la ville furent moult troublez.

Vous advez bien ouy comment les ambassadeurs de Hai^fleu furent à Vernon parler au duc de Guienne et la responce qu'ilz eulrent. I^our la quelle cause il leur convint rendre la ville ; laquelle reddicion se fist par la manière que dessus est dit, qui fut une pileuse chose à oyr à ceulx qui estoient dedens la ville. Après ce qu'il fut venu à la congnoissance du roy comment la ville de Hartleu estoit rendue es mains de son adversaire le roy d'Angleterre, doubtant que il ne vaulsist faire aultres emprises sur son royaulme, afïîn de y résister, fist mander par tous ses pays le plus' grant

\. M. P. et L., «fist mandement par tous ses pays pour avoir le « plus. »

nombre de gens d'armes que il y pot fmer ; et, avec ce, rescript par toutes ses bonnes villes le devoir en quoy il s'estoit mis par devers le roy d'Angleterre. Pourquoy, il commandoit à tous ses subgectz et vassaulx, tant en Picardie comme aultrespart, que tous, à la plus grant puissance qu'ilz pourroient finer, le venissent servir, pour obvyer et résister allencontre de son adversaire le roy d'Angleterre, et mandoit que tous ses subgectz allassent devers le duc de Guienne, son fîlz.

Auquel mandement tous ceulx de France, de Picardie et d'aultre part obéyrent et y allèrent, à puissance de gens, jà soit ce que le duc de Bourgoingne, qui lors estoit en son pays de Bourgoingne, pour les guerres qu'il avoit en France allencontre des enffans du duc d'Orléans, manda, par ses lettres patentes, aux seigneurs de Picardie, que iiz ne se bougassent et ne servissent ne parteissent de leurs hostelz, jusques à tant qu'il leur feist savoir. Non obstant ce, riens n'en fut t'ait ; mais obéyrent au commandement du roy.