CHAPITRE LXVIII

Comment les ducz (T Orléans et de Bourbon et le connestable envoyèrent vers le roy d'Angleterre, pour avoir jour et place pour le combattre. De la responce dudit roy; et comment le roy de France manda au connestable, et aultres princes, que le roy d'Engleterre fût combattu.

Les ducz d'Orléans et de Bourbon et connestable de France envoyèrent devers le roy d'Angleterre trois officiers d'armes, et luy faisoient savoir que , pour aconiplir son désir, ilzenvoiérent devers luy pour ce que ilz sçavoient bien que, dès lors qu'il estoit parti de son rovaulme, son désir estoit d'avoir battaille contre les Franchois. Et, pourtant, iizestoient trois princes issus de la maison de France, lesquelz estoient prestz de luy livrer et furnir son désir et ce que il quéroit ; et, se il vouloit prendre jour et place pour eulx vouloir combattre, ilz estoient contens de ce faire ; laquelle, par les depputez de l'un et de l'autre seroit prinse et advisée, non avantageuse^ non plus à l'un comme à l'autre, pourveu que ce fust le bon plaisir du roy, leur souverain seigneur. Ainsi contenoient les lettres, ou en soubstance^, envoyées au roy d'Angleterre, qui les receut à grant joye et pariellement lesdis officiers d'armes grandement et honnourablement ; et leur donna gran-