CHAPITRE LXXXIV
Comment aulcuns rebelles de Rouen occirent leur hailly et son lietenant et aultres. Comment le daulphin y alla, à main armée, et feit pugnir les rebelles. De la mort dur oy Loys de Séeile, et queh e7ifa7is il délaissa; et des pilleries et maulvais youvernement qui estoit au royaulme de France.
En ce temps, par l'exorlacion d'aucuns qui estoient favorables et amoicnt la partie du duc de Bourgoingne, se mirent sus, par manière de rébellion, pluiseurs meschans gens du petit estât, en la ville de Rouen. Et, défait, allèrent en la maison du bailly royal de Rouen, nommé messire Raoul de Gaucourt, tous armez et embastonnez, hurtèrent à son huys bien fort, disans à ceulx de dedens : « Nous voulons cy « entrer et parler à monseigneur le bailly, pour luy « présenter ung traistrc que nous avons maintenant « prins en la ville. » Et povoit estre environ x heures en la nuyt. Ausquelz fut respondu, par iceulx serviteurs, qu'ilz meissent leur prisonnier sceurement jusques à l'endemain. Xéantmoins, par leur importunité,
tant de force comme aultrement, ouverture leur fut faicte ; et tantost le bailly se leva, et affulé d'un grant manlel vint parler à eulx. Et lors aucuns de la compaignie, quiavoient les faces mucées, le occirent cruellement.
Après ce fait, de là allèrent à l'ostel de son lietenant, nommé Jehan Légier, et le mirent à mort; et de là en aultres lieulx, et en tuèrent jusques au nombre de dix. Mais, aucuns des aultres officiers, comme le visconte et le receveur, de ce adverty, s'en fuyrent au chastel, où ilz furent receuz par messire Pierre de Bourbon, qui en estoit capitaines ; et, l'endemain au matin, se assembla le commun, en grant nombre, et allèrent en armes devant le chastel en intencion d'entrer dedens. Mais, le capitaine qui avoit avec luy cent souldoyers, de par le roy, leur refusa l'entrée. Après pluiseurs parolles, fut traictié,entreeulx, que il entreroit jusques au nombre de xvj hommes des plus notables de la ville, pour parler au capitaine sur leurs affaires, qui moult leur touchoit, comme ilz disoient. Lesquelz, après ce qu'ilz y furent entrés, s'excusèrent de la mort du bailly et des aultres, et aussy toute la communaulté, disans que moult seroient joeulx se les facteurs estoient congnus et prins, et aussi pugnis ; car, pour l'omicide, ilz crémoient le roy ; et pour ce luy requéroient qu'il leur baillast le chastel à garder; laquelle requeste leur fut refusée. Secondement , requirent que la porte du chastel, vers les camps, fut condempnée ; et ce pareillement leur fut refusé. Et après ce, lui pryèrent qu'il les escuser vaulsist, eulx et le commun, devers le roy et le daulphin son filz; ausquels le capitaine respondit qu'il le feroit en temps et
en lieu. Après pluiseurs parolles, le capitaine leur conseilla qu'il/ feissent ouverture au roy et à son lilz, s'ilz venoienL eu leur ville, comme bons subgectz debvoient faire'.
Or est vray que, en brief temps, ce qu'ilz doubtoient advint; car le filz du roy, partans de Paris, à tout ij mille combattans, alla au Pont de l'Arche, duquel lieu il envoya l'archevesque de Rouen faire savoir à ceux de la ville sa venue, affîn qu'ilz luy feissent ouverture et obéissance. Et quant l'archevesque fut venu à la porte, il trouva aucuns chanonnes de l'église cathédrale, armés avec les bourgois de la ville, ausquelz il exposa le mandement du daulphin ; et ilz lui rcspondirent que ilz n'entreroient dedens la ville, à tout sa puissance ; mais, s'il y vouloit entrer à petite compaignie, ilz en estoient contens, et nonaultrement. Adont, l'archevesque veant qu'il ne povoit riens besoingner, retourna vers le daulphin et lui dist ce qu'il avoit trouvé et oy. Et, lors, le daulphin manda Pierre de Bourbon et parla à luy en luy demandant Testât de la ville. Après pluiseurs parolles, le daulphin s'en alla logier à Sainte-Catherine du Mont de Rouen. Après ce, dist à Pierres de Bourbon, capitaine du chastei de la ville de Rouen : « Allez en vostre chastei, et par la a porte des champs recevez ij*" hommes d'armes et « autant d'archiers que je vous envoyeray. » Laquelle chose fut ainsi faicte ; par quoy ceulx de la ville furent en grant doubtance. Touteffoiz, en dedens trois jours ensuyvans, le daulphin, par traictié, entra dedens la ville, à tout sa puissance, et fut logié au chastei de
