M. P. et L.. u Icltrea du roij, signées de sa main
toient moult esbaliis des manières que tenoit le duc de Bourgoin<^ne devers le roy et sa seignouries.
ce Item, pourcjucy ses gens faisoient guerre ouverte au roy et à ses subgectz, et font pis que ne leroient^ les Anglois qui sont ennemis mortelz du royaulme, entendu cju'il est cousin germain du roy, et que tousjours dist et confesse qu'il veult le bien du roy ; et pourquoy il prent les séremens des bonnes villes du roy et les constraint à sa seignourie.
a Item, qu'il a fait à croire qu'il soitaliez aux Anglois et qu'il content à depposer le roy de sa couronne : pour lesquelles causes le roy luy fait ces choses remonstrer, afîin qu'ilz vaulsisent faire son armée retourner ; car il soit vraysemblable qu'il ne les tint, sinon pour donner faveur, confort et ayde aux Aiiglois, au prc'judice du roy et du royaulme.
a Item, que, s'il ne laisse sa manière de faire, il tournera reproche à lui et à sa généracion, et ne ressemblera son bon père qui lui ennorta, à son derrain, et moult luy pria de tousjours obéyr au roy et à ses commandemens.
« Item, seront ces choses remonstrées, par le dit seigneur de Cauny, aux barons, chevaliers et escuiers estans avec le duc de Bourgoingne; et seront requis instamment, de par le roy, que ensuivant les traches de leurs bons et loyaulx prédécesseurs, ilz se veullent tenir bons et loyaulx devers le roy, et que, par mauvais conseil, ilz ne facent chose qui leur tourne à deshonneur ou reproche.
l. M. P. et L.. « firent. .
« Item, se le duc de Bourgoingne dist que ceulx qui gouvernoient le roy , lui font souvent et ont fait aucunes duretez et chose qu'il ne peult ne doit souffrir, le seigneur de Cauny lui respondera que, pourtant, ne doitil point porter faveur aux Anglois, ne faire chose qui soit contre son honneur. Et en ceste manière pourroitil bien procéder par manière plus honneste. Et, aussi, que le roy n'a pas la main close qu'il ne soit bien enclin à luy faire grâces et courtoisies, et à ceulx qui sont en son service ; et que ilz facent devers le roy leur debvoir, ainsi comme ilz sont tenus. »
Ces choses ainsy, ou en substance, remonstrées au duc de Bourgoingne par messire Aubert de Cauny, il luy fut respondu par ceulx du conseil du duc de Bourgoingne, par escript, ainsy, ou en soubstance, que cy après s'ensuit :
« Premièrement, au premier point respond que voirement est-il parent du roy et vassal, et pourtant obligié au roy, à le servir contre tout homme ; et à ce il a labouré et labeure encoires, à celle fin que le roy et le royaulme soient bien gouvernez, et que les réparacions se facent de ses maisons et de ses places, et de la justice de son royaulme, etdeladicte administracion de ses finances ; de toutes lesquelles besoingnes ont esté, au pourchas du duc de Bourgoingne, faictes par le roy esdittes ordonnances. De la rompture desquelles ordonnances, qui guaires ne durèrent, furent cause ceulx qui cy après seront nommez, lesquelz sont adez en tour le roy; ausquelz n'a pas souffi rompre et anéantir les dittes ordonnances, mais, sans cesser, persécutent le duc de Bourgoingne et ses subgetz, amis et bien vueillans, en les destruisans de corps et de biens.
contre l'onncur de luy et de sa postérité', jà soit ce que, ou saint conseille de Constances, eust obtenu une sentence pour soy, par laciuelle il appert clèrcment de son bon droit et de la mauvaistie de ses haynneux. « Item, quant au point touchant que les gens du duc de Bourgoingne font guerre ouverte aux gens du roy : respont que, quant il a veu ceulx qui sont entour le roy persévérer en leurs rigeurs, et qu'il/ n'ont voulu entendre à nul bon régime, ne à bien de paix, il fait ces choses savoir, en pluiseurs lieulx, et la voulenlé qu'il avoit au bien du royaulme, et les manières qu'il entendoit pour y remédyer, et que, pour celle cause, fist-il son mandement de gens d'armes, et que, grâces à Dieu, il avoit avec luy N'j™ chevaliers et escuiers pour servir le roy. pour son grant bien, et xxx™ combattans, tous bien vueillans du roy et de son royaulme; et avoit trouvé ceulx des bonnes villes, bons et courtois, congnoissans sa bonne intencion. Avoit aussi trouvé aucunes places plaines de pillars et de larrons dont il avoit le pays délivrez, et en icelles avoit commis preudommes, léaulx gens, ou nom du roy, lesquelz pour nulle quelconques choses ne vouloient faire faulte envers le roy; sy que toutes ces choses ont esté faictes au gré des bonnes villes qui sont au roy, et cetera. Respond qu'il a ce fait, afifin que les subgectz persévèrent en bonne voulenté envers le roy et le royaulme, à la confusion et reproche des empescheurs de paix et destruiseurs du royaulme qui se treuvent entour le roy; et ne l'a pas fait pour tollir au roy sa seignourie et aydes, comme dient les haynneux, mais trop bien que
\. L. et B. — Notre ms. a « prospérité. »
ces droix ou finances ne soient bailliés aux faulx traittres et empescheurs de paix, ains soient conservées et gardées pour employer au bien du roy et de son royaulme, en temps et en lieu. Et, en ce, entend le duc avoir bien fait, car tout ce qui vient es mains des trayttres a tousjours mauvaisement et desloyallement esté emblé au roy et départy entre eulx, à l'avantage des ennemis de France, comme chascun scet ; et que son intencion est, luy venu devers le roy, procurer que telz aydes n'aient plus cours.
« Item, que le duc soit alliez aux Anglois : respond que, saulve la révérence du roy, tous ceulx qui dient qu'il est sermentez aux Anglois mentent faulsement ; et, quant au point de rompre son armée, respond qu'il n'en fera riens, et que, en ce faisant, il feroit mal, actendu qu'il est heure de assembler gens pour résister contre ses ennemis qui sont dedens le royaulme.
« Item, quant à ce que luy a esté remonstré que il regarde à son honneur et aux parolles que luy dist son père : respond que voirement son feu père, voyans les iniquitez, manières et règne de la court de France, luy commanda servir le roy ; aussi est son intencion d'entendre à la réparacion et bonne réformacion de ce royaulme ; et n'a pas ce fait soudainement, mais tousjours par très grande et meure delibéracion de conseil; et, partant, luy semble, s'il s'en déportoit, qu'il en seroit blâmez et reprochiez, et ceulx qui de luy isseroient.
« Item, quant est du remonstrer toutes ces choses aux seigneurs de sa compaignie : respond que, par leur bon conseil et pour le bien du royaulme, il a fait et encores fait tout ce qu'il a fait ; et, partant, est bien
content que tous le sachent, adiii cju'il/ congnoissent mieulx les ini(juitez de ceulx qui destourbent la paix et la bonne intencion du duc de Bourgoingne.
« Item, quant au point louchant (|ue ses remonstrances et defîenses soient faictes au duc de Bourgoingne : respond que il scet bien que telles delTences Deviennent pas du roy, ne de sa voulenté, et que le roy l'avine et désire à veoir ; mais les faulx trayttres font faire couvertement ces remonslrances et deffences. Aussi, actendu que les ennemis sont en Normendie, il n'est pas heure de rompre les armes, ains se doibvent tous bons et loyaulx subgetz mectre sus et eulx employer à la deffence du royaulme. Et, quant ores ilz n'y fussant pas descendus, se ne vouidroit jjas le duc de Bourgoingne souffrir les faulx traictres qu'ilz demourassent en tel gouvernement.
« Item, quant à ce que le duc de Bourgoingne vaulsist dire que ceulx qui gouvernent le roy lui aient fait des duretés, et cetera : respond que voirement les gouverneurs du roy, c'est assavoir, messire Henry de Marie, l'évesque de Paris, messire Taneguy du Chastel, messire Burel de Danipmarlin, maistre Estienne de Mauregart, maistre Plielippe de Corbie, et pluiseurs aultres, ont esté principaulx promoteurs et conduiseurs desdictes iniquitez, à la perturbacion de paix ; et ont fait pluiseurs grans exceps et criesmes cy après déclarez. Pour lesquelz enchâsser et boutter hors du gouvernement, le duc de Bourgoingne s'est mis en armes; et ne cessera, tant qu'il ait la vie ou corps, de poursuyr sa bonne intencion, et non pas pour favorisier les Anglois, ne pour destruire le royaulme.
« Item, quand aux grâces que le roy doit avoir fait 1 20
au duc de Bourgoingne : respond que l'apointement que fist le duc Guillame de Bavière avec la royne et le conseil, du vivant du daulphin, eult voirement esté fait assez à son gré; mais, si tost que le daulphin fut mort, les traittres ostèrent dudit appoinctement ce qu'il n'estoit pas à leur gré. Dont ce ne fut pas de merveilles se le duc n'en tint compte, quant mesmement le duc Guillame estant au lit de la mort, quant il vit celle mutacion ainsi faicte en leur appoinctement, à la charge et honneur du duc de Bourgoingne, en fut si mal content que il dist, tout hault, que les trayttres qui estoient autour du roy estoient pire que nul ne pourroit dire ne penser. Et promist, adont, et jura au duc de Bourgoingne, se Dieu le vouloit aidier de celle malladie, qu'il le ayderoit, de son corps et de ses subgetz, à prendre pugnicion des trayttres, lesquelz il réputoit si mauvais et si obtinez en leur dampnable affection contre le duc de Bourgoingne ; en disant qu'il leur avoit ouy dire que, se les Anglois venoient d'ung costé à Paris, et le duc de Bourgoingne y allast d'un aultre costé, que ainçois mecteroient-ilz les Anglois dedens Paris qu'ilz ne feroient le duc de Bourgoingne. Ces parolles icy dist le duc Guillame, ou lit de la mort, présent pluiseurs notables seigneurs.
« Item, estoit vray que, puis ung petit de temps, iceulx gouverneurs du roy avoient fait ardoir publicquement, au Palais, à Paris, les lettres patentes du duc de Bourgoingne, par lesquelles il ofProit paix à tous ceulx qui le vouloient avoir avec luy. Finablement, lesdictes responces estoient escriptes que le duc de Bourgoingne vouloit que chascun sceult que son intencion estoit de persévérer en son bon propos, et qu'il
ne le délaisseroit jusques à ce qu'il averoit eu conseil grant avec le roy, et fait remonstrcr au roy les inicjuitez, tirannies, cruaultezet inlunnanilezcy dessus déclarées, la désolacion du rovaulnic et les manières qu'il couvenoit tenir pour la réparacion d'icelluy; tellement et tant que le roy et tous les bons et léaulx subgetz de son royaulme en deveroient estre coiilens. Et, combien que le duc de Bourgoingne ait, par lettres patentes, offert paix à tous, comme dit est', et que ceuk d'entour le roy ne l'eussent pas à ce receu, ains aient contre luy persévéré en leur rigeur, néantmoins il vouloit en ceste partie leissier rigeur et toute vengeance pour le bien du royaulme, qui tant a besoing de paix et de concorde, de confort et d'ayde ; et' se offre de tousjours. estre prest et appareillié de vouloir paix à tous, selon la teneur de ses lettres. »
Ces responces du duc de Bourgoingne furent rapportées au roy et au conseil par le seigneur de Gauny, et par escript sur cliascun point des remonstrances. Quant le seigneur de Cauny fut retourné à Paris, il fut accusé en plain conseil, avant qu'il feist son rapport, d'avoir baillié en pluiseurs lieux, à Amiens et à Paris, la coppie de ses instructions et des responces faictes par le duc de Bourgoingne, et lui en fut une coppie leue et monstrée contre l'original, et fut trouvé que c'estoit tout ung ; dont le seigneur de Cauny fut forment argués et reprochiés, actendu qu'il estoit du conseil du roy : mais, il s'en excusa sur son clercq. Néantmoins, il fut prins et mené en la bastille Saint-Anthoinc, où il
