M., « xvj

ville se mist en l'obéissance du duc de Bourgoingne, et aussi firent Gaillardon, Estampes et aultres pluiseurs. Ung aultre compaignie fut envoyée à Auneau. La dame de La Rivière qui estoit layens, leurs promist que en ses places ne mectroit homme en la nuysance du duc de Bourgoingne. Ainsi doncques se mirent pluiseurs bonnes villes et chasteaulx en Tobéyssance du duc de Bourgoingne, tout voulentiers pour ce qu'il ne leur souffroit payer tailles ne imposicion sinon celle du seel. Parquoy il acquist la grâce de pluiseurs bonnes villes, sy que tous désiroient qu'il euist le gouvernement du royaulme .