M. P. et L

secrétaire qu'il le vaulsist délivrer de dangier où elle estoit, en luy promectant que elle s'en iroit avec luy. Pour laquelle cause le duc de Bourgoingne s'en alla si liastivement à Chartres, à Bonneval, à Vendosme et à Tours. Mais, quant il se trouva à deux lieues près, il envoya les seigneurs de Fosseuz et de Vergy, à viij<^ combatans, mectre embusche à demy lieue de Tours, lesquelz illec venus envoyèrent ung certain message devers la royne pour nunchier leur venue. Et tantost elle dist à ses trois gouverneurs qu'elle vouloit oyr messe en l'abbaye de Mermoustier, qui est dehors la ville de Tours. Geulx luy desconseillèrent; mais néantmoins elle les prya tant que ilz luy menèrent; et, lorsqu'elle oyoit sa messe, vint Ector de Saveusis, à Ix combattans, pour entrer en icelle abbaye.

Lors les gouverneurs lui dirent : « Dame, départons « d'icy; vecy Bourguignons ou Englois, qui sont icy « venus. » Et elle leur dist qu'ilz se tenissent près d'elle ; et, entretant, Ector entra dedens l'église, et alla saluer la royne de par son maistre, le duc de Bourgoingne. Elle luy demanda où estoit son seigneur. Il luy dist que il viendroit bien brief devers elle. Adont, luy dist elle qu'il prenist ses trois qui auprès d'elle estoient, et qu'il s'en tenist sceur. Et tantost l'un des trois, nommé maistre Laurens du Puich, s'en fuy par darrière et entra en ung vassel pour passer la rivière. Mais, il eust si grant haste qu'il se noya, et les deux aultres furent prins ; c'est assavoir, maistre Jehan Picart et maistre Guillame Thorel. Il estoit environ ix heures du matin, et le duc y vint environ xj heures, et fist à la royne grant révérence, et elle à luy, en luy disant : « Beau cousin, entre tous les hommes de ce royaulme,

« je VOUS doy aymer, quant à mon mandement avez « tout leissié et m'estes venu délivrer de prison. Pour- « quoy, beau cousin, jamais ne vous fauldray : car « bien voy que lousjours avez amé monsein;neur, sa « généracion, son royaulmc et la chose publicque. » Hz disnèrent ensemble en icelle abbaye. La royne manda, en la ville, (jue elle et son cousin de Bourgoingne y vouloient entrer. Le capitaine y dyfféra ung petit ; mais néantmoins, il se retraict dedens lecliastel, et ilz entrèrent en la ville, à tout leurs gens. Et tantost après, au commandement de la royne, le capitaine ouvry le chastel. Et puis, quant le duc de Bourgoingne y ot séjourné trois jours, il commist à la garde de la ville et du chastel Charles Labbé, à ij*^ combattans, lequel jura et promist au duc de Bourgoingne, de l/ieii garder la ville pour luy et en son nom ; dont il luy failly. Car, ainchois que l'an fut passé, il le rendi au daulphin et luy fîst serment contre son seigneur le duc de Bourofoin^fne. La rovne et le duc vindrentà Chartres, le ix^ jour de novembre.