CHAPITRE VII
La fortune adverse qui 'advint à V archevesque de Rains, en allant au concile de Pise.
L'avantdit cardinal de Bar, Guy de Roye, arche- . vesque de Rains, et maistre Pierre d'Alli, evesque de Cambray, se mirent à chemin ensamble, fort accompagniez de. prélatz et clergié pour aller au concile dont devant est dit. Ungjour [qu'ilz]^ furent logiés en une ville nommée Voultre, estant à iiij lieues de Jeunes, advint que le mareschal de l'archevesque de Rains prinst noise à ung maressal de la ville, et tellement monta leur débat que le maressal de la ville fu ochis par l'autre maressal, lequel s'en couru, pour sauveté, à l'hostel de son maistre. Mais, ceulx de la ville esmeus pour le débat, coururent en grant nombre en l'hostel de l'archevesque pour vengier la mort de leur maressal. L'archevesque, pour les rapaisier, issi hors de son hostel et leur pria douchement qu'ilz vculsissent cesser et appaisier, et il bailleroit son maressal au juge de la ville, pour faire justice. En offrant celle offre ung mauvais garnement de celle esmeute jetta ung dart
contre l' arche vesque, et Tattaint si durement qu'il chéit mort à terre ; et si occirent le maressal et le juge qui le tenoit.
Le cardinal de Bar et les autres convint partir hastivement pour le doubte du peuple qui esmeut estoit; et s'en allèrent au concile de Pise, où furent les deux pappes condempnés comme hérétiques, sissematiques, obstinés en mal, et tourbleurs de la paix de Nostre Mère Saincte Eglise. Après laquelle condempnacion faicte devant tout le peuple, présent tout le clergié, se mirent en conclave, appellans la grâce du Saint Esperit. Et furent x jours ensamble, et esleurent pappe canonique nommé Pierre de Candie, natif de Gresse, de l'ordre des Frères Mineurs, docteur en théologie, aixhe vesque de Milan; et fu nommé Alexandre, V®de ce nom ; et fu fait le xvj^ de Juing.
En icelluy an, Boussiscault, marescal de France, gouverneur de Jennes pour le roy, fu prié du duc de Milan qu'il vausist aller devers luy, pour appaisier le débat de luy et de son frère. Sy s'en parti Boussiscault et alla à Milan ^
1. Le chapitre continue dans M. P. et L, jusqu'aux mots « qui « estoient en leurs mains » de notre chapitre YIII. Puis le manuscrit et l'imprimé en commencent un autre par les mots « Mais « sans tarder, » jusqu'à ceux-ci « pendu au gibet; » en confondant en un seul les deux titres de nos chapitres YIII et IX, bien qu'ils soient distincts et divisés à la table du manuscrit.
