CHAPITRE XCVII

Comment les Parisiens oecirent de rechief pluiseurs prisonniers, et comment le daulphin reprint la ville de Tours.

Les communes ^ de Paris s'assemblèrent encoires une foiz en grant nombre, et s'en allèrent de rechief à toutes les prisons et y tuèrent plus de iij*^ prisonniers qui y avoient esté mis depuis la première tuyson : et puis s'en allèrent à la bastille Saint-Anthoine pour avoir vij prisonniers qui y estoient, et jurèrent qu'ilz abbateroient la place , ou ilz les auroient. Et , de fait, commenchèrent à desmachonner ; dont le duc de Bourgoingne forment courouchié vint à eulx, et leur remonstra tant, d'unes et d'aultres, que les chiefz luy promirent que les prisonniers seroient menez en Ghastelet et là seroient traictié par la justice du roy. Et partant leur furent délivrez, et les menèrent jusques bien près de Ghastelet ; mais entin ilz les tuèrent tous