CHAPITRE Cil

Comment F ambassade du roij d'Angleterre, en allant vers le roy de France, fut assailly des Daulpliinois, qui fure7it desconfis par les Anglais; et du parc qui fut faict près de Meuleuc, où convindrent ensemble le roy d" Angleterre , ses deux frères, la voyne de France, dame Catherine, sa fille, et le duc de Bourgoingne et leurs consaulx, et retournèrent sans besoingner.

En icelluy temps, le roy d'Angleterre envoya à Provins devers le roy son ambassade; c'est assavoir, les contes de Werwic et de Kint. Et estoient conduis par aucuns des gens du duc de Bourgoingne; et en leur chemin furent assaillis par messire Tanneguy du Chaslel et aultres Daulphinois, qui au commenchement prinrent et gaignèrent une partie des chevaulx et bagaiges desdis Anglois. Mais, en conclusion, les dessusdis Daulphinois lurent desconfis. Après, iceulx ambassadeurs s'en allèrent à Provins où ilz besoingnèrent avec le duc de Bourgoingne et le conseil du roy, et de là retour-

nèrent à Rouen devers le roy d'Angleterre, où ilz firent leur rclacion de ce qu'ilz avoient besoingnié; dont le roy fut moult joeulx. Et de rechief, environ le myavril, le roy d'Angleterre renvoya lesdis ambassadeurs devers le roy et le duc de Bourgoingne en la ville de Troyes en Campai ngne. Ouquel lieu fu tant traictié entre les parties que trêves furent faites entre les deux roys, certaine espasse de temps, sur espérance de plus avant besoingnier au fait de la paix.

Et fut assigné jour pour convenir ensemble assez près de Meuleuc ; et assez tost après, le roy, la royne, dame Catherine de France, leur fille, et le duc de Bourgoingne, à grant puissance, allèrent à Ponthoise: et, eulx là venus, firent préparer assez près de Meulenc ung grant parquaige ' où se debvoit tenir ladicte convencion, lequel estoit très bien clos de bonnes bailles, et archiers en aucuns costez, et aussi advironnez de bons fossez. Et y avoit pluiseurs entrées fermans à trois barrières; et pardedens furent tendues pluiseurs tentes et pavillons pour reposer les seigneurs. Et estoient ordonnez aucuns villages pour logier les gens et chevaulx, tant d'un costé comme d'aultre. Et quant la journée fut venue que icelles parties debvoient assembler en conseil , pourtant que le roy estoit mal disposé de santé, se partirent de Ponthoise, la royne, dame Catherine, sa fille, le duc de Bourgoingne et le conte de Saint-Pol, avec eulx tout le conseil et bien mil combattans, et allèrent audit lieu ordonné emprès Meulenc.

Et assez tost après, arriva le roy d'Angleterre à com-