M. P. et L.. « de plus ouVre

comme devant, à mener très forte guerre les ungs contre les aultres.

Après une espasse de temps le duc tint conseil : auquel conseil finablement fut conclud que, pour le mieulx, par la licence et congié du roy, il s'alliast au rov d'Angleterre, le plus brief qu'il pourroit. Et sur ce envoya de recliief ambassadeurs à Rouen, devers le roy d'Angleterre. Iceulx, là venus, furent bénignement receuz du roy d'Angleterre ; car moult désiroit avoir aliance avec le duc, pour ce que il sçavoit que par son moyen il pourroit avoir madame Catherine de France mieulx que par nul aultre. Quant les ambassadeurs du duc eulrent monstre les causes et articles pourquoy ilz estoient venus, le roy fist responce que dedens briefz jours il envoyeroit, devers le duc, de ses gens qui seroient chargiés de l'intencion qu'il avoit de faire. Après lesquelles responces retournèrent lesdis ambassadeurs à Arras, devers le duc, lequel là iîst faire le service de son père, en l'église de Saint-Vaas, moult solempnellement. Et brief ensuivant vindrent, devers le duc, les ambassadeurs du roy d'Angleterre, et monstrèrent au duc aucuns articles contenant le traictié tel que le roy le vouloit avoir avec le duc. Sur lesquelz furent bailliés pariellement ausdis ambassadeurs certains aultres articles, de par le duc.

Finablement, tant envoyèrent le roy d'Angleterre et le duc, l'un devers l'autre, qu'ilz vindrent à conclusion d'avoir bon appoinctement, ou cas que le roy et son conseil en seroient bien contens.

Pouricellui temps, le roy, laroyne et dame Catherine, estoient à Troyes en Campaingne. Sur lesquelz traictiés

dessusdis et appoiiiclemeiis, ainsi LMiconimonchiés. fut ordonné que leurs gens ne feroient point <j;iierre l'un à Taulre. Et furent les trêves de recliief eonfeiniées; et si fut appoinctié que le roy (rAii^Hclerre envoveroit ses ambassadeurs, en la conipai^niiedu dnc. audit lieu il»' Troies, pour au surplus eontlui'(> des a|)po!n(li nu iis et conventions, et poni' \enir a toute l)unne conclusion. Et avoit le duc inlencion de y aller brief ensuivant.

Le duc se party de sa ville d'Arras, environ le mois de mars, où il laissa laducesse, sa femme, et j)i inl son chemin à Saint-Quentin ; et là séjourna certaine espasse de temps en actendant son armée. Et là vindrent, devei's iuy, les ambassadeurs du roy d'Angleterre, tous en armes, jusques au nombre de cincq cens combatans; desquelz esloient les principaulx les contes de Warwic et de Rint, et pluiseursaultres, qui tous ensemble s'en allèrent avec le duc jusques à Troyes en Clinmpaigne. Sy Iuy vindrent au devant pluiseursgrans seigneurs de Bourgoingne, et aultres notables bourgois de la ville de Troyes, qui Iuy tirent grant honneur et révérence; et fut convoyé d'iceulx jusques à son hostel. Et estoit le peuple en grant multitude par où il passoit, cryant « Noël, » à haultc voix.

En aucuns briefz jours ensuivant furent assemblez pluiseurs consaulx, en la présence du roy, de la royne et du duc, pour avoir advis sur la paix (niable (|ue vouloit avoir le roy d'Angleterre avec le roy. Finablement, après pluiseurs parlemens tenus avec les ambassadeurs d'Angleterre, fut conclud et accordé, en la laveur du duc, que le roy donneroit à Henry, roy d'Angleterre, madame Catherine, sa fille, en mariage; et, après ce, le feroit vray héritier après sa mort, et suc-

384 CHRONIQUE DE JEAN LE FÉVRE f 1 41 9]

cesseur de tout son royaulme, luy et ses hoirs, en déboutant son propre filz et héritier, le daulphin, et aussi en adnuliant la constitucion, jadis l'aicte par les roys de France et ses pers, en grantdélibéracion; c'est assavoir que le noble royaulme de France ne debvoit succéder à femme, ne appertenir. Et mesmes, s'il advenoit que icelluy le roy Henry ne euist hoirs venant d'icellui mariage, par le moyen d'icellui traictié et accord, se demouroit-il héritier de la couronne de France, au préjudice de tous les royaulx qui en temps advenir y povoient ou debvoient succéder de droicte ligne. Et fut tout ce fait et accordé par le roy, en la présence du duc ; et avec ce le roy d'Angleterre se debvoit nommer régent et héritier de France, comme il fîst.

Ce traictié fait en la forme dicte, s'en retournèrent les ambassadeurs d'Angleterre à Rouen, portans avec eulx la coppie dudit traictié, qui moult fut agréable au roy d'Angleterre. Et pour ce, au plus brief qu'il peult, prépara ses besoingnes en Normandie, et assembla ses gens pour aller à Troyes, pour confermer icellui traictié.

A Troies estoit demouré, de par le roy d'Angleterre, messire Loys de Robersart, pour acompaignier et visiter madame Catherine de France. Je lairay à parler du roy, et parleray du daulphin.