M.t*. et L., « pluiseurs lettres — adressans
quatre filz, et pariellement au duc de Bretaingne, au conte de Richemont, et aussi à pluiseurs aultres grans segneurs d'Engleterre.
Et si portoit frère Jacques Petit pluiseurs lettres de crédence esquelles n'avoit nulle subscription adressans au roy et à la royne d'Engleterre. Et furent y celles lettres publicquement leutes; et, par icelles, nommoit le duc de Berri le roy d'Engleterre « mon très redoubté « seigneur et nepveu; » et la royne « ma très re- « doubtée niepce et tille. » Et estoient signées de la propre main du duc de Berri ; et, en icelles qu'il envoyoit à la royne, avoitescript deux lignes de sa main. Enoultre, là furent, présent le roy et les princes et tout le consiel, monstres les blans sellés des dessusdis; et les tint le roy en sa main. Et si avoit une pettitte cédulle, par manière de libelle, contenant une foeulle de papier ouquel estoit l'instruction des dessusdis ambassadeurs ; et estoit contenu dedens comment ilz réciteroient les propositions faictes par la ducesse d'Orléans et ses enfans contre le duc de Bourgoingne pour la mort du duc d'Orléans; réciteroient aussi comment par pluiseurs fois, pour icelle mort, ilz avoient sommé et requis le roy à faire et avoir justice du duc de Bourgoingne, laquelle ilz n'avoyent peu obtenir, pour tant que le duc de Bourgoingne avoit tellement séduit le roy; disant comment le duc d'Orléans avoit esté faulx et traitres contre le roy et sa majesté. Et disoient aussi que le duc de Bourgoingne avoit séduit le peuple, espéciallement celuy de Paris; aussy fait courre langaiges que les dessus nommés volloient déposer le roy de sa couronne, et destruire sa génération ; che que estoit faulx et n'avoient oncques pensé.
Et si estoit aussy que le duc de Bour^joingne avoit mis en indiguacioii, devers le roy, Jeliaii duc de Bretaingnc, pour la cause qu'il avoit rompu le voyaj^e de Calais, et pluiseurs aullres choses que le duc de Bourgoingne vouloit faire contre le roy d'Englelerre, et comment il avoit séduit le peuple de Paris contre le roy et son filz de Guyenne; que tout entliièrenient ilz estoicnt gouvernet par leurs mains, et estoient devers eulx en telle subjection que à paines ozoient dire mot. Et aussi comment ceul\ de Paris, soubz umbre d'une bulle donnée par Urbain, pape quint, pour les grans compagnies qui estoient venues en France, les dessus nommés et tous leurs aliés, contre raison, avoient esté d(';nonchiez , excommuniez; et comment ilz avoient constraint TotTicial de Paris, par force, de faire procès contre eulx, affui qu'ilz fuissent dénonchiés excommuniés et rengrévés; et, après, que bien se gardassent lesdis ambassadeurs d'eulx descouvrir à homme d'Engleterre, s'ilz ne sentoient qu'ilz fuissent de la bende des dessusdis. Et, quant auroient dit publicquement au roy d'Engleterre che que dessus est touchié, se luy deissent qu'ilz avoient à parler à luy à part; c'est assavoir comme ceulx de Berri, Orléans, Bourbon et Alenchon voulloient du tout son bien et son honneur, et eulx alier aveuc luy, et luy aydeir et conforter à rencontre du duc de Bourgoingne, et aussi contre ceulx de Galles et d'Ibernie.
En oultre, lui deissent que, ou cas qu'ilz ne pourroient venir à leurs conclusions contre les Eschochois, que ilz s'y emploiroient de tous leurs povoirs ; et, se ainsy estoit qu'il ne se peult faire, ilz feroient tant que la paix seroit faicte entre luy et le roy. Et, en oultre.
que s'il y avoit aucunes terres sur la mer où il vausist faire aucunes demandes, ou avoir aulcun droit, ilz f croient tant qu'il seroit content. Et luy dcissent encore comment, par défaulte de justice, ilz venoient devers luy pour avoir droit et raison de la mort du duc d'Orléans, et comment, pour le nom de roy qu'il jjorte, luy apertient faire justice, et que che luy seroit plus grant honneur perpétuel, meismement de tant noble sang ' comme estoit le duc d'Orléans. Et, se, luy deissent comment les dessus nommés le serviroient de tout leur povoir, luy et ses enfans, et aussy les siens, au temps advenir ; laquelle chose pouroient bien faire contre tous les plus puissans et plus nobles du royalme de France. Et, en oultre, que les dessus dits ambassadeurs requissent au roy d'Engleterre d'avoir troix cens lances et iiij mille archiers, lesquelz on payeroit pour quatre mois.
En après fut monstre par ledit cancellier de Guyenne ung petit traictié, lequel frère Jacques Petit avoit fait sus le gouvernement du roy de France, contenant pluiseurs articles ; et fu leu publicquement. Entre lesquelz estoit que sur chascun arpent de terre fût imposé une ayde qui seroit nommé fons de terre ; et, pariellement, que, en che royalme, on ayt greniers de bledz et d'avaine au proufit du roy ; et encores pluiseurs aultres choses que, pour cause de brief, je ne voel réciter, pour ce que les croniques de France en font tout au loing mention. Car, tant estoit grande la hayne de ces seigneurs contre le duc de Bourgoingne qu'il ne leur chaloit qu'il feissent pour estre vengiés de luy,
