M. P. et L

estoit devant Bourges, moult tost après le roy [d'Engleterre] envoya son second filz à secours ausdis seigneurs, à tout le nombre de viij" combatans, pour aller et résister à l'encontre du duc de Bourgoingne.

Duquel an advinrent pluiseurs maulx et tribulacions en France, et plus que paravant. Et aussy, en ceste meisme année, le roy Henri trespassa de che siècle, comme cy après porrés oyr.

Vérité fu que, en che temps, le roy, pour mettre ses ennemis en son obéissance, manda par tout son royalme gens d'armes pour venir devers luy à Paris. Et aveuc che furent mandés grans nombres de charios et charettes ; et aussy les ducz de Bourgoingne et de Guyenne firent très grans mandemens. Les Parisiens, en grant nombre, aveuc ceulx de l'Université, véans que le roy estoit prestz d'aller en son voyage, en la présence de son consiel, îuy requirent instamment qu'il ne feist accord ne traictié aveuc ses ennemis, sans che que ilz y fuissent comprins et dénommez. La requeste leur fut accordée. Le roy issi de Paris en noble aroy, le jeudy v*^ de may d'icelluy an, et alla au bois de Vinsennes, où estoit la royne, sa compaigne ; et de là alla à Melun accompaignié des ducz de Bourgoingne, de Guyenne et de Bar ; les contes de Mortaingne et de Nevers, aveuc pluiseurs aultres grans seigneurs ; et prinst son chemin pour aller mettre le siège devant la ville de Bourges, comme il fist.

Durant lequel temps, les Anglois de la frontière de BouUenois prindrent d'emblée la forteresse de Babelinghen, scituée entre Ardre et Calais, laquelle apertenoit au seigneur de Dixmude, non obstant que pour lors a voit trêves séellées entre les deux roys. Et fu

commune rpnommôe que le capitaine de ladicte place, nommé Jehan de Slenl)ec(|ue, l'avoil vendue, et rechupt argent des Anglois. l'our laquelle piMnse, quant les nouvelles en furent espandues par le pais, le peuple tenant le parti des Francliois i'u fort troublé. Le capitaine et sa femme demourèrent paisibloinenL aveuc les Anglois; par quoy, fut assés à voir que c'estoit son consentement; et aulcuns saudoiers qu'il avoit aveuc luy furent prisonniers et mis à raenchon.