Notre manuscrit dit, par inadvertance, « s3i femme

1 82 CHR0?J1QUE DE JEAN LE FÉVRE [1 k- 1 4]

le duc de Brabant, pour communiquier la paix qui très nécessaire estoit et pour le roy et pour le duc, et, par espécial, pour le pouvre peuple : car, non obstant que le roy avoit une merveilleuse puissance, toutesvoies, n'estoit la ville d'Arras si asségie qu'ilz ne povoient, quant affaire en avoient, avoir nouvelles gens et pourres et artillerie menues que ilz avoient souvent. Et, quant au duc de Bourgoingne, les garnisons que il tenoit en pluiseurs ses bonnes villes luy coustoient merveilleuses finances ; pour lesquelles causes la paix en estoit plus légière à faire. Si fu, par la grâce de Dieu, la paix lors traictie; dont pluiseurs furent joyeulx. Laquelle paix fut publiée, à son de trompe, le mardi iiij® jour de septembre, devant les tentes du roy, environ \J heures' après disner; et, par le cry, fut expressément commandé, sur peine d'encourir l'indignacion du roy, que les bendes fussent ostées; et aussi les gens du duc de Bourgoingne dévoient oster la croix Saint-Andrieu.

En Tost du roy s'estoit frappée une malladie de flux de ventre, dont estoit mort messire Amer de Salbruse, et pluiseurs aultres notables gens : et, à ceste heure, en estoit mallade le duc Loys de Bavière, le connestable de France et aucuns de leurs gens ; pour laquelle cause le traictie s'en conclud plus légièrement. Et fut le traictie tellement fait que, pour l'honneur et révérence du rov, le conte de Vendosme entreroit dedens la ville d'Arras et la cité, pour prendre l'obéissance d'icclles; et sur les portes mecteroit les banières du roy. Et pour ce que toutes les sccurtez pour l'entrete-