CHAPITRE XXXIX
De la venue à Paris de Jehan duc de Bretaingne^ beau filz du roy^ du conte de Richemont^ son frère; et de r ambassade d'Engleterre. Comment le duc d'Orléans et ceulx de son party retournèrent à gouverner le roy et royaulme; et de Védict que le roy feitpour entretenir la paix^ et pluiseurs aultres besongnez.
A la venue à Paris du roy, Loys, des ducz d'Orléans et de Bourbon, et des aultres princes, se firent à merveilles grans festes, grans bancqués et grans esbattemens à merveilles. Et fist faire le duc d'Orléans heuoques italiennes de draps de laine de couleur violet. Et sur icelles avoit escript en lettres faictes de boulons d'argent : le droit chemin. Et n'estoit pas de bonne heure, ne avant Paris, qui n'en avoit une. Dansses et momeries se faisoient ; et Dieu scet comment le duc Jehan de Bourbon estoit en bruit entre les dames et damoiselles. Or estoit bien Testât tourné que devant est dit ; car n'avoit guaires de temps que les princes dessusdis on n'eust ozé dire mot, si non à leur foule et vitupère. Or, est fol qui en peuple se fie.
En ce temps vint à Paris Jehan duc de Bretaingne, lequel avoit espousé la fille du roy ; avec lui le conte de Richemont, son frère, et aussi l'ambassade du roy
primé ont Fadjectif vraie. C'est une faute. Le Monstrelet, qui nous aide à la corriger, est celui des anciennes éditions et de Tédition Buchon : car les lettres de Charles VI ne se trouvent pas dans tous les textes de Monstrelet, soit imprimés soit manuscrits; et c'est une particularité que nous aurons sujet de relever à TAppendice.
d'Angleterre , c'est assavoir le duc d'Iorke et le conte de Rothelem, pour traictier le mariage du roy d'Angleterre et de madame Catherine de France, fille du roy, affin de essiéver^ l'alyance que vouloit faire le duc de Bourgoingne, qui vouloit donner sa fille au roy d'Angleterre. Iceulx ambassadeurs d'Angleterre furent oyz et bien venus ; mais riens n'y firent et s'en retournèrent en Angleterre.
En ce temps estoit le duc de Bqurgoingne en la ville de' Lille, en laquelle il assembla grant noblesse de ses pays ; et, avec ce, les quatre menbres de Flandres. Et là, fut le conte Walleran de Saint-Pol, lequel venoit de Boulongne et Babelinghem, où il s'estoit assemblé avec le conte de Warwic et l'évesque de Saint David, et aucuns aultres Anglois, pour les trêves d'entre les deux roys de France et d'Angleterre, lesquelles furent octroyées jusques à la feste de Saint Jehan Baptiste. Et là, receu ledit conte de Saint-Pol, connestable de France, lettres du roy, par lesquelles luy mandoit que il allast à Paris rendre l'espée de connestable. Sur lesquelles lettres il demanda conseil au duc de Bourgoinjgne. Toutteffoiz, j'entens que il ne fu pas conseillié de ce faire, et s'en alla en sa ville de Saint-Pol, et puis alla jusques en la ville d'Amiens, là où il ordonna une ambassade pour aller à Paris devers le roy.
Ses ambassadeurs furent le conte [de Conversen] ^ le vidame d'Apiiens, et maistre Robert le Josne, pour proposer devant le roy leur légacion. Eulx venus à Paris devers le roy, furent ouys; et proposa ledit maistre Robert en plain conseil, auquel estoit le roy et
1, M., « empescker. » — 2. M.
pluiseurs aultres princes ; et remonstra au roy et luy dist que le conte de Saint-Pol, son maistre, n'avoit oncques tenu party que le sien, ne oncques ville ne forteresse n'avoit tenu contre luy, ainsi que pluiseurs avoientfait. Ces choses dites et proposées, luy fut dit que il se feist advouer des seigneurs avec lesquelz il estoit venus; lesquelz le désavorent. Et pour ce, fut prins et menez en Chastelet, où il fut deux jours en très grant paour et amère desplaisance. Toutteffoiz le duc de Bar, beau frère du conte de Saint-Pol, requist au roy de sa délivrance, et fut mis hors de prison ; et en ce point s'en retournèrent les ambassadeurs du conte de Saint-Pol.
En après, furent de rechiefgransmandemensroyaulx envoyés par toutes les parties du royaubne, à estre publiés es lieux acoustumez. Lesquelz mandemens contenoient les desroys faiz en la ville de Paris par les Parisiens, à la desplaisance du roy, de la royne et du duc de Guienne.
Lesquelz mandemens contenoient tous les monopoles, tuisons, desrisions que avoient fait les Parisiens dedens la ville de Paris, et mesmement comment ilz estoient allez à main armée et en grant desrision à l'ostel du duc de Guienne, où ilz avoient trouvé le duc de Bar, lequel ilz avoient prins avec pluiseurs aultres nobles hommes ; en après, comment ilz avoient esté jusques à la chambre de la royne prendre aucunes nobles femmes, dont en avoit du sang royal, et menées prisonniers en divers lieux et pluiseurs aultres choses.
Après ces choses faictes, le duc d'Orléans requist au roy qu'il luy feist ravoir ses villes et chasteaulx de Coussy, Pierrefons et la Frété Milon, que le conte de
Saint-Pol avoit conquises, et ne luy vouloit rendre, jà soit ce que, par les couvenances de la paix, se dévoient ainsy faire. La requeste du duc d'Orléans luy fiit accordée, et fut, de par le roy, ordonné messire Gasselin du Bos, bailly de Sens, à aller recevoir l'obéissance, de par le roy, des dessus dis places ; lesquelles obéyrent au roy et furent rendues et restituées au duc d'Orléans.
Ne demoura guaires que le conte d'Ënninacq vint à Paris, en sa compaignie messire Glugoet de Brabantet aultres, à grant compaignie de gens d^armes ; lequel fut honourablement receu du roy.
En ce temps estoit gouverné [le roy] et tout le royaulme par les Orléannois ; et au regard de ceulx qui avoient tenu la partie de Bourgoingne, estoient du tout bouttez arrière et n'avoient quelque audience. Et couvenoit qUe ceulx qui dedens Paris demourez estoient, ouyssent pluiseurs parolles que pas ne leur plaisoient.
Vous avez oy comment le duc de Bourgoingne estoit à Lille, où il avoit mandé pluiseurs grans seigneurs, pour avoir advis et conseil de ses affaires ; car souvent luy venoient nouvelles de Paris, conmient ceulx qui avoient esté ses adversaires gouvernoient le roy et le duc de Guienne, et grand peine mectoient de le mectre hors de leur grâce. Pour lesquelles causes, il doubtoit que en fin ilz ne le meissent en guerre, et de tout poins tournassent le roy et le duc de Guienne contre luy; pour laquelle cause il avoit assemblé son consiel. Et durant que le duc de Bourgoingne estoit à Lille, le roy d'Angleterre envoya une ambassade devers luy, pour traictier le mariage du roy et de l'une de ses filles. Toutesvoies, ilz ne porent estre d'accord, et par ainsy retournèrent en Angleterre.
Le iiij® jour d'octobre en celluy an, le roy ordonna de ses gens ; c'est assavoir le seigneur d' Aufifemont et le seigneur de Moy, lesquelz il envoya devers le conte de Saint-Pol luy requérir, de par le roy, qu'il renvoiast l'espée de conestable. A quoy il respondit que il n'avoit point fait chose par quoy on luy deust oster, et qu'il s'en conseilleroit à ses amis , et, en brief jour, assembleroit ses parens et amis, et feroit telle responce, que, par raison, le roy deveroit estre content.
Tantost après, le roy feist ungedit, par lequelle il ordonna ung mandement pour faire publier à l'encontre de cailx qui ne se povoient tenir de murmurer et injurier les ungz les aultres, et qui désiroient d'émouvoir gens à commocion et discorde, pour engendrer nouveaulx debatz et guerres. Lequel mandement fut publié partout le royaulme, qui contenoit en efifect que le roy vouloit tenir et entretenir, de point en point, le traictié de la paix, sans l'enfraindre ne souffrir estre enfrainct en aucune manière, en faisant exprez commandement et deffence, de par le roy, sur paine de confiscation de corps et de biens, que nulz, de quelque estât, autorité, ou condicion qu'il soit, ne facent, dient, profèrent paroUes au contraire de la dicte paix, ne gens induire à venir contre icelle, ne vouloir empeschier : « Et de « tous ceulx que vous trouverez faisans, parlans, ou € murmurans au contraire, nous voulons, par vous ou € voz commis, estre faicte inquisition, et diligente- € ment en faciez ou faict[es^] faire pugnicion et justice ; € toutes excusations cessans, par sy et telle manière € que ce soit exemple à tous aultres, et que par vous,
