M. p. et L., « dient

2. M. P. et L., « armée. » Notre mauuscrît avait aussi armée; mais ensuite le mot a été rayé, et Ton a écrit au-dessus, amnée.

[t4l4] SEIGNEUR DE SAINT-REMY. 163

armée. Si exploitta tant que il se trouva devant la cité de Soissons, dont, pour le duc de Bourgoingne, estoit capitaine Enguérant de Bournonville, non obstant que il y eust dedens la ville pluiseurs grans seigneurs. Le rôy se loga en une abbaye'' nommée Saint-Jehan des Vignes, le duc de Guienne à Saint- Crespin, et les aultres princes tout entour, le mieulx que porçnt ; et, de l'autre costé de la rivière, estoit logié le conte d'Erminacq. Au prendre le siège eult des grans escarmuches ; car ceulx de dedens faisoient ardoir et démolir églises, maisons, et aultres édiffices. Ce non obstant, on n'y laissa point pourtant à logier. Le roy fist sommer ceulx de la ville, conmie leur souverain seigneur ; mais les gens du duc de Bourgoingne n'en vauldrent riens faire, espérans d'avoir secours du duc de Bourgoingne.

Après ce, furent appoinctées bombardes et canons, dont la ville fut très fort battue et très fort approchiée. Dedens la ville de Soissons estoient de xl à 1 Englois, entre lesquelz a voit de très bons archiers. ^y advint que, en une saillie que ceulx de la ville firent, messire Hector, bastard de Bourbon, à l'escarmuche et au rebouter ceulx dedens la ville, fut navré d'une flesche parmy le gorgerin qui fut faulsé tôt oultre, tant que le fer de ladicte flesche entra dedens la gorge de messire Hector. De laquelle bléchuere il alla de vie à trespas; dont le duc Jehan de Bourbon fut moult courouchié et merveilleusement desplaisant ; et aussi furent la plus grant partie de ceulx de l'ost. Et, si il fut fort plains, ce ne fut pas merveille; car, à vérité dire, c' estoit l'un des vaillans chevaliers de la compaignie; et ne sçay point se plus vaillans y avoit.

Depuis la mort du bon messire Hector^ ne fina le duc de Bourbon de pourchasser la destruction de ceulx de la ville de Soissons, tant par battures de canons, d'approches» que aultrement. Et, de fait, fist tant que journée fut prinse de l'^issaillir, et ordonnance faicte que chacun feist pourvéance de grandes et longues bourrées, pour gecter dedens les fossez; et tant fut procédé que la ville fut assaillie, eschielles dreschiés aux murailles, pour combattre main à main. Â merveilles, fort fut la ville assaillie, aussi bien deffendue*

Le duc de Bourbon, qui mortellement hayoit ceulx de la ville, fut de ceulx montans aux eschielles, et combattant main à main ; et, en combattant, fut abatu de hault en bas, d'un cop de hache ; dont il fut si fort grevé que on cuidoit que il fust mort. Et fut porté en son logis en tel estât qu'il ne congnoissoit ne honune ne femme. Pour laquelle bléchure, tant pour entendre à luy, à l'emporter, que pour la vaillance de ceulx de dedens, l'assault fut de tous poins délaissié; et se retrayoit chascun. Mais, ne demeura guaires que on commença à cryer < Ville gaingnie ! > Dont tous C^iLe qui estoient du costé vers Saint-Jehan des Vignes furent moult esmerveilliés; car desjà estoient tous retrais. Mais, est vray qu'il y avoit dedens la ville de Soissons aucuns Ânglois qui avoient eu débat et noize en la ville ; duquel débat n'avoient point eu le meilleur. Pour laquelle cause ilz avoient conceu hayne à pluiseurs qui dedens la ville estoient ; et, pour eulx vengier, trouvèrent fachon de parler à aulcuns Anglois Bourdelois de la compaignie du conte d'Erminacq. Et tant y en bouttèrent que ilz furent maistres de la ville ; car jamais ceulx de la ville ne se fussent doubtez que leur

ville eust esté prinse par là ; car la rivière estoit entre deulx, et, sans ouvrir la porte ^ qui murée estoit, et sans avaler le pont, ou la planchette, estoit impossible de par là prendre la ville.

Or, est ainsi que quant les gens du conte d'Ërminacq se trouvèrent puissans dedans la ville , commencèrent à cryer « Erminacq ! Erminacq ! Ville gaignie ! > Laquelle chose pluiseurs des gens de guerre, qui là estoient, ne povoient croire ; et, de fait, en furent pluiseurs prins et mors; lesquelz furent trouvez en la garde qui leur estoit ordonnée pour la ville deffendre. Quant Enguéran vit la mal adventure, il se cuida deffendre ; mais sa deffence guaires ne luy valut ; et fut prins et fort bleschié à prendre. Entre lesquelles blécheures en avoit une au front, dont il estoit fort bleschié. Quant cèulx du costé Saint-Jehan des Vignes oyrent le bruit et le cry en la ville, véans la muraille abandonnée et encore la pluspart des eschielles dreschiés, saillirent es fossez et montèrent à mont la muraille, qui plus n' estoit deffendue. Ainsi que vous advez oy, fut la ville de Soissons prinse.

Or, fault parler de la pitié et cruaulté qui en la ville mt faicte. Premièrement, furent bien, que mors que prins en la place, que testes coppées que pendus, bien de mil à douze cens. En après furent toutes les églises violées, casses* et relicquaires rompus ; les ocellemens des corps sains gectez dehors ; le corps de Jhésu Christ

1. M.P. et L., f eust esté prinse par là — et sans ouvrir la porte. »

2. L. fait, de ce substantif, l'adjectif ou participe cassées^ qu'il accorde avec églises, Ge ne peut être qu'une inadvertance qui a été trop fidèlement suivie dans l'édition Buchon.

hosté hors des vaisseaulx, qui estoient dedans le tabarnacle, pour avoir yceulx vaisseaulx ; femmes efforcées devant leurs maris, et aucunes des notables femmes qui se retrayrent dedens les églises ; les endiaintes, de paour et de tristesse, enfanter sans terme, dont les enffans n'avoient point de vie ; et n'estoit point à croire que oncques telles cruaultez fussent faictes en ville nulle ; et, avec ce, fut toute la ville nettiée, nettement widiée et pilliée. Le vaillant escuier, Ënguéran de Bournoville, il eust la teste trenchie, messire Pierre de Menau, et pluiseurs aultres; et avec ce furent de cent à vj**, tant Anglois comme aultres, pendus.

Après celle destruction, le roy fist dilligemment eûr quérir qu'estoient^ devenuz les ocellemen& des corps sains ; et avec ce fist cryer que nulz, de quelque estât, ne les transportast hors de la ville. Par lequel moyen, aussi par argent qui en fut donné, furent pluiseurs corps sains et relicquiaires remis es églises ; et, avec ce, pluiseurs notables femmes, qui par nobles hommes avoient esté menées en la garde du duc de Guienne, furent ramenées en leurs maisons ; et,, avec ce, furent ordonnez gens des plus notables pour retraire le peupk de la ville, tant prisonniers que ceulx qui s'en estoioit fuyz, ausquelz le roy donna pardon. Et, par ainsi, se retrayrent pluiseurs de la cité.

Après ces ordonnances faictes, le roy se party de la ville de Soissons, en prenant son chemin vers la cité de Laon, où il fut bien Fespasse de xv jours. Et là alla devers luy Phelippe, conte de Nevers, frère du duc de

1. M.P., f fist dilligemment — qu'estoient. i L. a rempli la lacune par le verbe cherchier.

[1 41 4] SEIGNEUR DE SAINT-REMY. f 1 67

Bourgoingne, lequel fist son traictié envers le roy, tel que le roy n'yroit ne envoyeroit en sa conté de Réteil, ne aussi en aultre terre et seignourie que il eust. Laquelle chose le roy lui accorda, par ainsi que il n'aideroit ne conforteroit, en quelconcque manière, le duc de Bourgoingne, son frère. Puis, après ce traictié fait, s'en alla le conte de Nevers en sa ville de Maizière^ sur Meuze. Le roy, estant à Laon, fist publyer nouveaux mandemens pour avoir gens de guerre.