M. P. et L., f et s'en retourna — le roy

168 CHRONIQUE DE JEAN LE PÉVRE [Mtiit]

Bourguignons et les ruer jus. Et tant chevauchèrent qu'ilz les trouvèrent à ung passage qui se nomme le Pont à Merbe, ou pays de Haynnau. Les Bourguignons estoient en [très] belle compaignie. Or, est ainsi que les Bourguignons desjà avoient passé le Pont à Merbe, excepté le Veau de Bar qui conduisoit le charroy, qui se mist à deffence, et très vaillanunent combaty. Mais, gueires de gens n'avoient avec luy, et ses adversaires estoient bien quatre mille. Sy fut là prins, et bien quarante ou cincquante avec luy ; et les aultres se saulvèrent et prinrent leur chemin droit à Bruxelles en Brabant.

Or, est vray que le roy, après ce qu'il ot envoyé son avant-garde sur les Bourguignons, se party de Saintr- Quentin, en tirant après ses gens, et fu jusques à ung gros village nommé la Chapelle en Terrasse. Mais, quant il sceut que son avant-garde retournoit avec leur prinse, il retourna à Saint-Quentin; et tantost après alla à Péronne, où il fut longhe espasse; et puis, de tous poins, conclud d'aller asségier Bappasmes et Arras. Mais^avant son partement, avoit esté le duc de Bourgoingne en la ville de Perronne , et aussi 1^ ambassades des quatre menbres du pays de Flandres ; et ceulx quatre menbres pour trouver la paix du duc de Bourgoingne. Mais, pour abrégier, riens n'y firent et retournèrent tous en leur pays, très desplaisant qu'ilz ne povoient trouver l'appoinctement du duc de Bourgoingne devers le roy^ Quant le duc de Bourgoingne sceult que il ne povoit avoir sa paix, il con-

1. M. P. et L., f pour trouver la paix du duc do Bourgoingne — f devers le roy. »

clud de soy defifendre contre ses ennemis, tousjours réservant la personne du roy et du duc de Guienne. Et, de là en avant, fist provision pour la garde de ses villes et forteresses de la conté d'Artois et ailleurs.