CHAPITRE L
Comment Bappasmes fut assiégée , et rendue au roy
par traictié et appoinctement.
Mais, promptement que le roy et ses gens se trouvèreot en la conté d'Artois, ilz desployèrent baniàf^es, disans qu'ilz estoient es terres de leurs ennemis ; et si faisoient porter le roy Torryûambe, conune il eust fait sur les Sarrazins. Toutesvoies, l'orriflambe n'estoit point desployé, mais le portoit ung chevalier en esquierpe. Quant le duc de Bourbon, qui estoit chief de Tavant-garde, se trouva devant Bappasmes, il fist de sa main pluiseurs chevaliers ; entre lesquelz y fu fait le conte d'Eu ; et pareillement en fist le roy, quant devant la ville fut arrivé. Et après ée qu'il ot fait pluiseurs chevaliers, le swgneur de Boissay et le seigneur de Gaucourt, pour ce voyage mareschaulx ordonnans les logis, menèrent le roy logier en une abbaye assez près de la ville de Bappasmes, et en hault lieu, sans rivières, ne fontaine nulle. Et, si estoit en temps d'esté que il faisoit chault et secq; pour quoy les marez furent tantost tout secq. Et falloit aller, plus de trois lieues long, quérir l'eaue à la rivière auprès de Miraumont ; qui estoit une grant paine. Si se advisèrent aucuns de faire perchiér nouveaulx puichs ; tant en firent que on avoit son cheval abeuvré, le jour, pour ung petit blancq.
Advint que le duc de Guienne manda le capitaine de Bappasmes ; c'est assavoir Ferry de Hangest, avec luy messire Jehan de Jeumont et Adam d' Avelus, ausquelz
il demanda pourquoy ilz ne faisoient ouverture au roy, leur souverain seigneur. Sy respondirent, très humblement, que ilz le gardoient pour le roy et pour luy, par le commandement du duc de Bourgoingne, qui ainsi leur avoit baillié en garde ; en requérant au duc de Guienne que on leur donnast terme de viij jours, pour envoyer devers le duc de Bourgoingne, qui ainsi leur avoit baillié en garde. Pendant lequel temps ilz requirent trêves ; laquelle requeste leur fu accordée. Sy fut envoyé devers le duc de Bourgoingne pour luy remonstrer la grant puissance qui estoit devant la ville de Bappasmes, laquelle estoit très mal pourveue de tous vivres et habillemens de guerre. Pour laquelle cause , le duc de Bourgoingne conclud et fut content que ilz rendissent la ville et le chausteau au roy et au duc de Guienne, moyennant leurs corps et biens saufz, et ainsi de ceulx de la ville ; et fut ainsi fait, et la ville rendue, et aussi le chastel, au roy. Mais, au traictié faire^ furent réservez ceulx de Paris, s'aucuns en y avoit. Le jour et l'heure fut ordonné du partemen des Bourguignons, lesquelz furent visitez et regardez se en leur compaignie n'avoit nulz Parisiens. Si en y fut trouvé trois en habillemens de varletz, portans bachinés avec leurs maistres, affin qu'ilz ne feussent congneuz. Toutesvoies, riens n'y valu ; car ilz furent recongneus, et puis eulrent les testes trenschées. Et en ce propre jour fu publyé, à son de trompe, que tout homme, de quelque estât qu'il fuist, marchans ou aultres, repairant en l'ost du roy, portast la droicte croix et la bende, sur paine de confisquier corps et biens. ■ — ' * ' '
